洪森回顾洪玛奈在艰苦环境下成长并最终担任总理的历程，表达了对

នេះជាប្រសាសន៍សម្តេចតេជោ ហ៊ុន សែន ថ្លែងកាលពីថ្ងៃទី២២ ខែសីហា ឆ្នាំ២០២៣ ថ្ងៃដែលសម្តេចមហាបវរធិបតី ហ៊ុន ម៉ាណែត ទទួលបានការបោះឆ្នោតគាំទ្រពីសភាឱ្យកាន់ការងារជានាយករដ្ឋមន្ត្រី។ សម្តេចតេជោ ហ៊ុន សែន បានថ្លែងទាំងស្រក់ទឹកភ្នែកនឹកស្រណោះដល់ភាពកម្សត់របស់កូនប្រុស ដែលចាប់ផ្ទៃក្នុងពេលស្រុកទេសជួបវិបត្តិ។ ចាប់ផ្ទៃបាន៧ខែ ត្រូវឪពុកភៀសខ្លួនទៅរកការរំដោះជាតិ ហើយត្រូវរស់លាក់ខ្លួនពួនអាត្មាជាមួយម្តាយ ដោយគេហៅជាកូនក្បត់អង្គការ។ កើតបានជាងមួយឆ្នាំទើបជួបឪពុក ជួបមុខឪពុកមិនស្គាល់ ហើយហៅឪពុកថាពូ។ បើទោះកើតមកកម្សត់ តែសម្តេចមហាបវរធិបតី មិនបានធ្វើឱ្យឪពុកម្តាយអស់សង្ឃឹមឡើយ បានប្រឹងប្រែងស្វាធ្យាយសិក្សារៀនសូត្រ កសាងសមត្ថភាពជាប់ជាប្រចាំ។ សម្តេចមហាបវរធិបតី ហ៊ុន ម៉ាណែត បានកើតនៅថ្ងៃទី២០ ខែតុលា ឆ្នាំ១៩៧៧ នៅភូមិសំរោងត្បូង ឃុំទ្រៀក ស្រុកមេមត់ ខេត្តកំពង់ចាម (បច្ចុប្បន្នខេត្តត្បូងឃ្មុំ) ជាបុត្រទីពីររបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។ ថ្ងៃនេះ សម្តេចមានជន្មាយុគម្រប់ ៤៩ឆ្នាំ ឈានចូល ៥០ឆ្នាំ៕