上丁省近期完成多项城市基建项目，包括德崇蒂帕广场

ទិដ្ឋភាពនៅពេលរាត្រី លេីទឹកដីនៃក្រុងស្ទឹងត្រែង ខេត្តស្ទឹងត្រែង បង្ហាញពីមុខមាត់ថ្មី ក្រោយពីសមិទ្ធិផលជាច្រេីនបានចេញជារូបរាង ដែលមានដូចជា ទីលានតេជោ-ធិបតី វេទិកានាគជ័យ សួនបវរធិបតី សួនសុវណ្ណភូមិ និងសួនស្វាគមន៍រូបម្ចាស់ទឹកឃ្មុំ ។ ខេត្តស្ទឹងត្រែង ស្ថិតនៅភាគឦសាននៃប្រទេស មានព្រំប្រទល់ខាងជើងជាប់ខេត្តពីរនៃសាធារណរដ្ឋប្រជាធិបតេយ្យប្រជាមានិតឡាវ គឺខេត្តចំប៉ាសាក់ និងខេត្តអាត់តាពើ ដែលមានបណ្ដោយព្រំដែនប្រមាណ ២៥៥គីឡូម៉ែត្រ ចាប់ពីបង្គោលព្រំដែនលេខ ០២៩ ដល់បង្គោលព្រំដែនលេខ ០៩៧ មានខ្សែព្រំដែនដើរតាមផ្លូវគោកប្រមាណ ១៨៦គីឡូម៉ែត្រ ខ្សែព្រំដែនដើរតាមផ្លូវទឹកប្រមាណ ៦៩គីឡូម៉ែត្រ ខាងត្បូងជាប់ខេត្តក្រចេះ និងខេត្តមណ្ឌលគិរី ខាងកើតជាប់ខេត្តរតនគិរី និងខាងលិចជាប់នឹងខេត្តព្រះវិហារ និងខេត្តកំពង់ធំ។ សណ្ឋានដីជាតំបន់ខ្ពង់រាប មានវាលទំនាប និងភ្នំខ្ពស់ៗនៅជ្រុងទិសឦសាន៕ [Website](https://www.tiktok.com/@btvcambodia) |[ Facebook](https://web.facebook.com/btvnewstv/) | [Telegram](https://t.me/btvnewscambodia) | [TikTok](https://www.tiktok.com/@btvcambodia)