柬埔寨坤塔帕花基金会获捐600万美元 覆盖金边暹粒两地

លោក ឃាន តួក ប្រធានផ្នែកទំនាក់ទំនង នៃមូលនិធិគន្ធបុប្ផាកម្ពុជា បានប្រាប់ BTV ថា គិតពីថ្ងៃទី២៨ ខែឧសភា ឆ្នាំ២០២៦ មកដល់ព្រឹក ថ្ងៃទី២៥ ខែមិថុនា ឆ្នាំ២០២៦​នេះ មូលនិធិគន្ធបុប្ផាកម្ពុជា ទទួលបាន ថវិកាពីសប្បុរសជន ជាង ៦ លានដុល្លារ ពីសប្បុរសជនជាង ២៥ម៉ឺននាក់។ លោកសង្កត់ធ្ងន់ថា ចរន្តគាំទ្រពីសប្បុរសជន គឺជាកម្លាំងមហាសាមគ្គិជាតិ ដ៏ធំធេង ផ្ដល់កម្លាំងចិត្តដល់ក្រុមគ្រូពេទ្យ ពិសេសគឺទារក កុមារ និងស្រ្ដីមានផ្ទៃពោះ ដែលកំពុង សម្រាកព្យាបាល នៅមន្ទីរពេទ្យគន្ធបុប្ផា ទាំងនៅភ្នំពេញ និងខេត្តសៀមរាប។ លោក អំពាវនាវដល់ពលរដ្ឋ បន្តចូលរួមឱ្យកាន់តែផុលផុស គាំទ្រដល់ដំណើរការ របស់មន្ទីរពេទ្យគន្ធបុប្ផា ផ្ដល់ក្ដីសង្ឃឹម ដល់កូនតូចម្នាក់ អាចទទួលបានឱកាស រស់រានមានជីវិត និងត្រឡប់ទៅកាន់រង្វង់ដៃ ម្ដាយ ឪពុក វិញប្រកបដោយសុវត្ថិភាព៕ [Website](https://www.tiktok.com/@btvcambodia) |[ Facebook](https://web.facebook.com/btvnewstv/) | [Telegram](https://t.me/btvnewscambodia) | [TikTok](https://www.tiktok.com/@btvcambodia)