金边失散21年父子重逢 因语言隔阂无法直接交流

រឿងរ៉ាវអស្ចារ្យ បុរសម្នាក់បែកពីកូន២១ឆ្នាំ ទីបំផុតបានជួបគ្នាវិញតែនិយាយស្ដាប់មិនបាន ភ្នំពេញ ៖ រឿងរ៉ាវដ៏អស្ចារ្យមួយបានកើតឡើងលើគ្រួសារក្រីក្រនៅក្នុងប្រទេសកម្ពុជា ដោយឪពុកនិងកូនប្រុសបានបែកអស់រយៈពេល២១ឆ្នាំ ដោយសារតែកាលនោះ ឪពុកអត់មានលទ្ធភាពចិញ្ចឹមកូន ក៏បានប្រគល់កូនប្រុសដែលមានអាយុទើបតែ៣ខែឱ្យទៅស្ត្រីជនជាតិអូស្ត្រាលីម្នាក់យកធ្វើជាកូនចិញ្ចឹម ។ អស់រយៈពេល២១ឆ្នាំ ក្រោមការសម្របសម្រួលពីអតីតព្រះសង្ឃក៏បានឱ្យកូននិងឪពុកបង្កើតបានជួបគ្នា ។ ដោយសារតែឈាមរត់រកឈាម ទោះបីជាឪពុកកូនទាំងពីរមិនស្គាល់គ្នាក៏ដោយ នៅពេលគេណែនាំនិងដឹងថាជាឪពុកនិងកូន អ្នកទាំងពីរក៏បានស្ទុះឱបគ្នាពោរពេញដោយក្ដីស្រលាញ់រៀបរាប់ប្រាប់គ្នាទាំងដែលស្ដាប់គ្នាមិនបាន ព្រោះតែកូននិយាយអង់គ្លេស ហើយឪពុកនិយាយភាសាខ្មែរ ។