洪玛奈与泰国总理达成共识 推动柬泰民间交流修复信任

កម្ពុជា-ថៃ ឯកភាពគ្នាពិនិត្យជំរុញការផ្លាស់ប្តូរ«ប្រជាជន និងប្រជាជន» ដើម្បីស្តារទំនុកចិត្តឡើងវិញ .. ប្រមុខរាជរដ្ឋាភិបាលកម្ពុជា និងថៃ នៅថ្ងៃទី ៧ ឧសភានេះ បានលើកឡើងពីសារៈសំខាន់នៃការផ្លាស់ប្តូររវាងប្រជាជន និង ប្រជាជន រួមទាំងតាមរយៈសមាគមមិត្តភាពកម្ពុជា-ថៃ ដែលជាសសរស្តម្ភមួយក្នុងការកសាងទំនុកចិត្តឡើងវិញ និងការលើកកម្ពស់ការយល់ដឹងគ្នាទៅវិញទៅមក។នេះបើយោងតាមប្រសាសន៍សម្តេច ហ៊ុន ម៉ាណែត ថ្លែងក្នុងសន្និសីទសារព័ត៌មាន ក្រោយកិច្ចប្រជុំត្រីភាគី កម្ពុជា-ថៃ-ហ្វីលីពីន នៅថ្ងៃទី៧ ខែឧសភា ឆ្នាំ២០២៦ នៅទីក្រុងសេប៊ូ សាធារណរដ្ឋហ្វីលីពីន។ បើតាមសម្តេច ការងារនេះ រាជរដ្ឋាភិបាលនៃប្រទេសទាំងពីរ បានប្រគល់ភារកិច្ចឱ្យរដ្ឋមន្ត្រីការបរទេសកម្ពុជា និងថៃ ដើម្បីចូលរួមកិច្ចពិភាក្សាបន្ថែមទៀតឱ្យបានលម្អិត និង នាំពួកគេឆ្ពោះទៅមុខក្នុងលក្ខណៈជាក់ស្តែង និង ទិសដៅលទ្ធផល។