留柬学生联合会致贺国王登基22周年

🇰🇭 **សារលិខិតថ្វាយព្រះពរ** 🇰🇭 តាងនាមថ្នាក់ដឹកនាំ ក្រុមការងារ សមាគមជាសមាជិក យុវទូតសុច្ឆន្ទៈ នាយកប្រចាំកម្មវិធី ព្រមទាំងសិស្ស-និស្សិតកម្ពុជាទាំងអស់ដែលកំពុងសិក្សានៅបរទេស នៃសហព័ន្ធនិស្សិតកម្ពុជានៅបរទេស សូមព្រះបរមរាជានុញ្ញាតលំឱនកាយក្រាបបង្គំទូលថ្វាយនូវព្រះសព្ទសាធុការពរជ័យដ៏មហាប្រសើរ ថ្វាយចំពោះ **ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត** ក្នុងព្រះរាជឱកាសដ៏មហានក្ខត្តឫក្សវិសេសវិសាល នៃព្រះរាជពិធីគម្រប់ខួបលើកទី២២ ព្រះវស្សា នៃការយាងគ្រងព្រះបរមសិរីរាជសម្បត្តិ (២៩ តុលា ២០០៤ - ២៩ តុលា ២០២៦)។ ទូលព្រះបង្គំជាខ្ញុំទាំងអស់គ្នា សូមបួងសួងដល់គុណបុណ្យព្រះរតនត្រ័យ និងវត្ថុស័ក្តិសិទ្ធិទាំងអស់ក្នុងលោក ទេវតារក្សាព្រះមហាស្វេតច្ឆត្រ ព្រមទាំងដួងព្រះវិញ្ញាណក្ខន្ធអតីតព្រះមហាក្សត្រ ព្រះមហាក្សត្រិយានីខ្មែរគ្រប់ព្រះអង្គ សូមតាមជួយបីបាច់ថែរក្សា អភិបាលប្រោះព្រំ ព្រះករុណាថ្លៃវិសេស សូមទ្រង់ប្រកបដោយព្រះរាជសុខភាពពេញបរិបូរណ៍ ព្រះកាយពលមាំមួន ព្រះបញ្ញាញាណភ្លឺថ្លា និងព្រះជន្មាយុយឺនយូរ ដើម្បីគង់ប្រថាប់ជាម្លប់ដ៏ត្រជាក់ត្រជុំដល់ប្រជារាស្ត្រខ្មែរជានិច្ចនិរន្តរ៍តរៀងទៅ។