实居省三隆通县政府与41家养殖场召开协作会议

[来源: 柬埔寨国家电视台] [分类提示: NEWS] 标题: ឯកឧត្តម ឈួរ សុបញ្ញា អញ្ជើញដឹកនាំកិច្ចប្រជុំពិភាក្សាសិក្សាស្វែងយល់ជាមួយម្ចាស់កសិដ្ឋានចិញ្ចឹមសត្វទាំង ៤១ ក្នុងឃុំដំណាក់រាំង ដើម្បីពង្រឹងកិច្ចសហការរវាងអាជ្ញាធរ និងវិស័យកសិដ្ឋានចិញ្ចឹមសត្វ ខេត្តកំពង់ស្ពឺ៖ នារសៀលថ្ងៃសៅរ៍ ៨រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែកញ្ញា ឆ្នាំ២០២៦ ឯកឧត្តម ឈួរ សុបញ្ញា រដ្ឋលេខាធិការក្រសួងធម្មការ និងជាក្រុមការងាររាជរដ្ឋាភិបាលចុះមូលដ្ឋានឃុំដំណាក់រាំងបានអញ្ជើញដឹកនាំកិច្ចប្រជុំពិភាក្សាសិក្សាស្វែងយល់ និងស្តាប់មតិយោបល់ពី ម្ចាស់កសិដ្ឋានចិញ្ចឹមសត្វទាំង ៤១ ក្នុងឃុំដំណាក់រាំង ស្រុកសាមគ្គីមុនីជ័យ ខេត្តកំពង់ស្ពឺ ក្នុងគោលបំណងស្វែងយល់ពីស្ថានភាពជាក់ស្តែង បញ្ហាប្រឈម តម្រូវការ និងសំណូមពររបស់ម្ចាស់កសិដ្ឋាន ព្រមទាំងពង្រឹងទំនាក់ទំនង និងកិច្ចសហការរវាងអាជ្ញាធរមូលដ្ឋាន និងម្ចាស់កសិដ្ឋានចិញ្ចឹមសត្វ ដែលជំនួបនេះ បានផ្តោតសំខាន់លើការស្តាប់ពីស្ថានភាពប្រតិបត្តិការរបស់កសិដ្ឋាន ការគ្រប់គ្រង និងការចិញ្ចឹមសត្វ សុខភាពសត្វ អនាម័យ និងបរិស្ថាន ការផ្គត់ផ្គង់ចំណី និងទឹក ព្រមទាំងបញ្ហាផ្សេងៗដែលអាចប៉ះពាល់ដល់ផលិតកម្ម និងជីវភាពរបស់ប្រជាពលរដ្ឋដែលពាក់ព័ន្ធនឹងវិស័យនេះ។ ជាកិច្ចចាប់ផ្តើមឯកឧត្តមបានលើកទឹកចិត្តឱ្យម្ចាស់កសិដ្ឋានបន្តយកចិត្តទុកដាក់លើ ជីវសុវត្ថិភាព សុខភាពសត្វ អនាម័យ ការគ្រប់គ្រងសំណល់ និងការថែរក្សាបរិស្ថាន ព្រមទាំងអនុវត្តតាមបទដ្ឋាន និងការណែនាំរបស់សមត្ថកិច្ចជំនាញ ដើម្បីកាត់បន្ថយហានិភ័យនៃជំងឺឆ្លង និងធានានូវសុវត្ថិភាពផលិតកម្ម។ជាមួយគ្នានេះបានលើកឡើងពីសារៈសំខាន់នៃការបង្កើតទំនាក់ទំនងល្អ និងកិច្ចសហការជាប្រចាំរវាងអាជ្ញាធរ មន្ត្រីជំនាញ និងម្ចាស់កសិដ្ឋាន ដោយឈរលើគោលការណ៍ ស្តាប់គ្នា សហការគ្នា និងដោះស្រាយបញ្ហារួមគ្នា។ បញ្ហាដែលស្ថិតក្នុងសមត្ថកិច្ច គួរត្រូវបានពិនិត្យ និងដោះស្រាយឱ