菩萨省VELEA ESCAPE RESORT获批 打造高端生态旅游新地标

[English Below] ឯកឧត្តមរដ្ឋមន្ត្រី ហួត ហាក់៖ «ការអភិវឌ្ឍរមណីយដ្ឋានទេសចរណ៍ វេលា អេស្កេប រីសត (VELEA ESCAPE RESORT) នៅខេត្តពោធិ៍សាត់ គឺមិនត្រឹមតែបង្កើតផលិតផលទេសចរណ៍បន្ថែមថ្មីប៉ុណ្ណោះទេ ប៉ុន្តែក៏ជាកម្លាំងជំរុញសេដ្ឋកិច្ចមូលដ្ឋាន បង្កើនឱកាសការងារ និងលើកកម្ពស់កិត្យានុភាពវិស័យទេសចរណ៍កម្ពុជាឱ្យកាន់តែមានភាពទាក់ទាញ និងប្រកួតប្រជែងលើឆាកអន្តរជាតិ» ក្រសួងទេសចរណ៍ និងរដ្ឋបាលខេត្តពោធិ៍សាត់ សហការជាមួយវិស័យឯកជន បន្តជំរុញការអភិវឌ្ឍវិស័យទេសចរណ៍កម្រិតខ្ពស់ក្នុងខេត្តពោធិ៍សាត់ តាមរយៈការចុះពិនិត្យស្ថានភាពជាក់ស្តែងនៅរមណីយដ្ឋានទេសចរណ៍ វេលា អេស្កេប រីសត (VELEA ESCAPE RESORT)។ ក្រសួងទេសចរណ៍ និងរដ្ឋបាលខេត្តពោធិ៍សាត់ ព្រមទាំងវិស័យឯកជន បានប្តេជ្ញារួមគ្នាក្នុងការជំរុញ និងអភិវឌ្ឍវិស័យទេសចរណ៍នៅខេត្តពោធិ៍សាត់ ឱ្យក្លាយជាគោលដៅទេសចរណ៍កម្រិតខ្ពស់ ប្រកបដោយគុណភាព និរន្តរភាព និងភាពទាក់ទាញ សម្រាប់ភ្ញៀវទេសចរជាតិ និងអន្តរជាតិ។ ការអភិវឌ្ឍរមណីយដ្ឋានទេសចរណ៍ វេលា អេស្កេប រីសត (VELEA ESCAPE RESORT) គឺជាផលិតផលទេសចរណ៍ថ្មីមួយបន្ថែមទៀត ដែលមានតម្លៃបន្ថែមខ្ពស់សម្រាប់វិស័យទេសចរណ៍ខេត្តពោធិ៍សាត់។ ក្នុងដំណើរបេសកកម្មនេះ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងលោកជំទាវ រួមជាមួយឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានអញ្ជើញដឹកនាំគណៈប្រតិភូចុះទស្សនកិច្ចសិក្សា និងពិនិត្យស្ថានភាពអភិវឌ្ឍន៍ជាក់ស្តែងនៅរមណីយដ្ឋានទេសចរណ៍ វេលា អេស្កេប រីសត (VELEA ESCAPE RESORT) ដែលជារមណីយដ្ឋានទេសចរណ៍កែច្នៃដ៏ស្រស់ស្អាត ស្ថិតក្នុងបរិយាកាសធម្មជាតិខៀវស្រងាត់ និងសម្បូរបែបនៃខេត្តពោធិ៍សាត់។ ការចុះពិនិត្យនេះ បានបង្ហាញពីការយកចិត្តទុកដាក់ និងការគាំទ្រយ៉ាងសកម្មរបស់រាជរដ្ឋាភិបាល ក៏ដូចជាកិច្ចសហការរវាងវិស័យសាធារណៈ និងវិស័យឯកជន ក្នុងការលើកកម្ពស់គុណភាពសេវាកម្ម និងការបង្កើតផលិតផលទេសចរណ៍ថ្មីៗ ដើម្បីឆ្លើយតបទៅនឹងតម្រូវការរបស់ភ្ញៀវទេសចរនាពេលបច្ចុប្បន្ន។ តាមរយៈការអភិវឌ្ឍហេដ្ឋារចនាសម្ព័ន្ធ និងរមណីយដ្ឋានទេសចរណ៍ប្រកបដោយសក្តានុពលនៅតំបន់វាលវែង និយាយដោយឡែក និងខេត្តពោធិ៍សាត់និយាយជារួមកំពុងក្លាយជាគោលដៅទេសចរណ៍ធម្មជាតិ និងទេសចរណ៍លំហែកាយដ៏ទាក់ទាញមួយនារដូវកាលបៃតង ដែលរួមចំណែកដល់ការបង្កើតការងារ បង្កើនប្រាក់ចំណូលជូនប្រជាពលរដ្ឋមូលដ្ឋាន និងជំរុញកំណើនសេដ្ឋកិច្ចក្នុងតំបន់។ ខេត្តពោធិ៍សាត់ ថ្ងៃទី១៧ ខែឧសភា ឆ្នាំ២០២៦