AFC挑战联赛半决赛：Svay Rieng对阵Manila Digger

លោក McConkey Mattew គ្រូបង្វឹកព្រះខ័នរាជស្វាយរៀង លើកឡើងថា ការប្រកួតទល់នឹងក្រុម Manila Digger ស្អែកនេះ ក្រុមបានរៀបចំ ក៏ដូចជាវិភាគការប្រកួតកន្លងមក ដើម្បីត្រៀមលេងជាមួយក្រុមខ្លាំង ដែលមានការប្រកួតប្រជែងខ្ពស់ ពិសេសល្បឿន និងការបង្កគ្រោះថ្នាក់នៅតំបន់ប្រយុទ្ធជាដើម។ ជំនួបលើកនេះ ខុសកាលពីជួបគ្នាក្នុងពូល ហើយព្រះខ័នរាជស្វាយរៀង នឹងព្យាយាមលេងតាមផែនការដែលបានរៀបចំ ដើម្បីព្យាយាមស្វែងរកជ័យជម្នះ។ នេះបើតាមការលើកឡើងក្នុងសន្និសីទសារព័ត៌មាន មុនជំនួបវគ្គពាក់កណ្ដាលផ្ដាច់ព្រ័ត្រ(ជើងទី១) នៃពានរង្វាន់ AFC Challenge League 2025/26 នាយប់ថ្ងៃទី៩ ខែមេសាស្អែក នៅពហុកីឡដ្ឋានជាតិមរតកតេជោ មុនជំនួបកាត់សេចក្ដី ជើងទី២ នៅទឹកដីហ្វីលីពីន នាថ្ងៃទី១៦ ខែមេសាខាងមុខ។