金边美国大学学生赴新加坡实习 12周对接头部企业

**និស្សិតសាកលវិទ្យាល័យអាមេរិកាំងភ្នំពេញ (AUPP) ចុះធ្វើកម្មសិក្សាអន្តរជាតិជាមួយក្រុមហ៊ុនឈានមុខធំៗនៅប្រទេសសិង្ហបុរី** និស្សិតសាកលវិទ្យាល័យអាមេរិកាំងភ្នំពេញ (AUPP) បានធ្វើដំណើរទៅកាន់ប្រទេស Singapore ដើម្បីចូលរួមកម្មវិធី IIIP (Industry Immersion & Internship Program) ដោយចុះធ្វើកម្មសិក្សាអន្តរជាតិរយៈពេល ១២សប្តាហ៍ ជាមួយក្រុមហ៊ុនឈានមុខគេនៅប្រទេស Singapore។ កម្មវិធីនេះរួមមានការបណ្តុះបណ្តាលវិជ្ជាជីវៈ ការសិក្សាពីឧស្សាហកម្ម និងកម្មសិក្សាជាមួយក្រុមហ៊ុនល្បីៗក្នុងវិស័យបច្ចេកវិទ្យា Data Center អចលនទ្រព្យ ឡូជីស្ទីក និងផ្នែកច្បាប់។ ស្ថាប័ន និងក្រុមហ៊ុនដែលចូលរួមមានដូចជា Stellar Ace Pte Ltd, CapitaLand Group Pte Ltd, BDx Data Centers, Bok Seng Logistics Pte Ltd, CWT Integrated Pte Ltd ព្រមទាំងក្រុមហ៊ុនច្បាប់ Focus Law Asia, RHTLaw Asia និង Bayfront Law LLC។ តាមរយៈកម្មវិធីនេះ និស្សិតនឹងទទួលបានបទពិសោធន៍ជាក់ស្តែងក្នុងបរិយាកាសការងារអន្តរជាតិ រៀនអំពីការងារជាក្រុម ការទំនាក់ទំនងវិជ្ជាជីវៈ ការអភិវឌ្ឍគម្រោង និងទទួលបានការណែនាំពីអ្នកជំនាញក្នុងវិស័យផ្ទាល់។ តាមរយៈការវិនិយោគលើកម្មវិធីដូចជា IIIP AUPP បន្តបង្ហាញការប្តេជ្ញាចិត្តក្នុងការរៀបចំនិស្សិតឱ្យក្លាយជាបុគ្គលដែលមានសមត្ថភាព ត្រៀមខ្លួនរួចជាស្រេចសម្រាប់អាជីពការងារ និងការប្រកួតប្រជែងនៅលើឆាកអន្តរជាតិ។