蒙多基里省当局发布野象出没预警

ហ្វូងដំរីព្រៃចុះលេងទឹកជិតទឹកជ្រោះក្បាលព្រះ អាជ្ញាធរជូនដំណឹងឱ្យ​​ពលរដ្ឋប្រុងប្រយ័ត្ន នៅថ្ងៃទី២១ ខែមេសា ឆ្នាំ២០២៦ ហ្វូងដំរីព្រៃមួយក្រុម មានទាំងកូនទាំងធំជាច្រើនក្បាល ត្រូវបានប្រជាពលរដ្ឋប្រទះឃើញ កំពុងចុះលេងទឹកនៅអូរទេរ ជិតរមណីយដ្ឋានទឹកជ្រោះក្បាលព្រះ ក្នុងសង្កាត់រមនា ក្រុងសែនមនោរម្យ ខេត្តមណ្ឌលគិរី។ បន្ទាប់ពីបានឃើញហេតុការណ៍នេះ ប្រជាពលរដ្ឋបានរាយការណ៍ភ្លាមៗទៅអាជ្ញាធរមូលដ្ឋាន ដើម្បីចេញសេចក្តីជូនដំណឹងជាបន្ទាន់ដល់ប្រជាពលរដ្ឋក្នុងតំបន់។ អាជ្ញាធរ បានអំពាវនាវឲ្យបងប្អូនប្រជាពលរដ្ឋបង្កើនការប្រុងប្រយ័ត្ន ជាពិសេសកុំបណ្តោយឲ្យកូនចៅចេញចូលព្រៃ ដើម្បីរកឃ្មុំ ឬដងជ័រទឹក នៅក្នុងតំបន់ដែលមានហ្វូងដំរីព្រៃកំពុងស្ថិតនៅ។ ការជូនដំណឹងនេះ មានគោលបំណងបង្ការ និងបន្ថយហានិភ័យនៃគ្រោះថ្នាក់អាចកើតមានជាយថាហេតុ ​ប្រសិនបើមានការរំខាន ឬទៅក្បែរ​ដំរី​ពេក៕