柬埔寨卫生部开展波萝勉省公立医院服务质量强化检查

ការ​ចុះ​ពង្រឹង​គុណភាព​សេវា​សាធារណៈ​ នៅ​មន្ទីរពេទ្យ​បង្អែក​ស្រុក​ ជុំទី​៣ លេីក​ទី១ —— ខេត្ត​ព្រៃវែង​​​៖​ ​ពីថ្ងៃ​ទី​៧ ដល់ទី១០​ ខែ​មេសា​ ឆ្នាំ​២០២៦​ ក្រុមការងារចុះពង្រឹងគុណភាពសេវាមន្ទីរពេទ្យបង្អែកស្រុក ដឹកនាំដោយ ឯកឧត្តម​ឱសថ​ការី​ អ៊ូ​ វិភព​ រដ្ឋលេខាធិការ​ រួម​ជាមួយ​ឯកឧត្តម​សាស្ត្រាចារ្យ​រង​ ហេង​ សុទ្ធី​ អនុ​រដ្ឋលេខាធិការ​ បាន​ចុះ​ទៅ​ពិនិត្យ គាំទ្រ និង​ពង្រឹង​គុណភាព​សេវា​មន្ទីរពេទ្យ​បង្អែក​ស្រុក​ចំនួន​៦​ នៃ​មន្ទីរ​សុខាភិបាល​ នៃ​រដ្ឋ​បាល​ខេត្ត​ព្រៃវែង​ រួមមានមន្ទីរពេទ្យ​បង្អែក​ពាមជរ​ មន្ទីរ​ពេទ្យ​បង្អែក​អ្នក​លឿង​ មន្ទីរ​ពេទ្យ​បង្អែកមេសាង​ មន្ទីរពេទ្យ​បង្អែកបាភ្នំ​ មន្ទីរ​ពេទ្យ​បង្អែក​ព្រះ​ស្តេច​​​ និង​មន្ទីរពេទ្យ​បង្អែក​កំពង់ត្របែក​​។ ការ​ចុះ​ពិនិត្យ​នេះ​ ធ្វេីឡេីង​ដេីម្បី​ជួយ​គាំទ្រ​ ជំរុញ​លេីក​ទឹក​ចិត្ត​ និង​ពង្រឹង​ការ​បម្រើសេវា​ថែទាំ ពិនិត្យ ព្យាបាល ប្រកប​ដោយ​ប្រសិទ្ធភាព​ខ្ពស់​ ដែល​ផ្តោត​សំខាន់​លើ​៧​ចំណុច​រួម​មាន​៖​ ១-ហេដ្ឋារចនាសម្ព័ន្ធ ២-ធនធានមនុស្ស ៣-សេវាសុខាភិបាល ជាពិសេសសង្គ្រោះបន្ទាន់ ប្រព័ន្ធបញ្ជូន បន្ទប់ថតឆ្លុះ មន្ទីរពិសោធន៍ បន្ទប់វះកាត់ និងបន្ទប់ឆ្លងទន្លេ ព្រមទាំង​ផ្នែកទន្ត​សាស្ត្រ ៤-ឧបករណ៍ បរិក្ខារ និងឱសថ ៥-ការបង្ការ និងការត្រួតពិនិត្យការចម្លងរោគ ៦-ការលើកកម្ពស់គុណភាពសេវា ៧-លក្ខខណ្ឌច្បាប់ និងរដ្ឋបាល។ ក្នុង​ឱកាស​នោះ​ ឯកឧត្ដម​រដ្ឋលេខាធិការ ក៏​បាន​ពាំនាំ​នូវ​ការ​ផ្តាំ​ផ្ញើ​សួរ​សុខទុក្ខ​ពី​ឯកឧត្ដម​សាស្ត្រាចារ្យ​រដ្ឋមន្ត្រី​ ព្រម​ទាំង​ថ្លែង​អំណរគុណ​ដល់​មន្ត្រី​សុខាភិបាល​ទាំងអស់​ដែល​បាន​ខិតខំ​ប្រឹងប្រែង​ បម្រើ​សេវា​ថែទាំ​ និង​ព្យាបាល​ជំងឺ​ ជូន​ប្រជាពលរដ្ឋ​នៅ​ក្នុង​មូលដ្ឋាន​ផង​ដែរ​។ **🌐** [Website](https://moh.gov.kh/kh/home) 📱 [Facebook](https://www.facebook.com/MinistryofHealthofCambodia?mibextid=ZbWKwL) 📱 [Telegram](https://t.me/MOHCambodia) 📱 [X (twitter)](https://x.com/MohCambodia) 📱 [Tiktok](https://www.tiktok.com/@mohcambodia) 📱 [YouTube](https://www.youtube.com/@MOHCambodia)