NSSF会员卡办理指南及防诈骗预警

ជម្រាបសួរ! សូមជម្រាបជូនថាករណីអាចស្នើសុំធ្វើកាតសមាជិក ប.ស.ស.បានលុះត្រាតែកំពុងបម្រើការងារក្នុងសហគ្រាស គ្រឹះស្ថានដែលបានចុះបញ្ជិកាជាមួយ ប.ស.ស. រួច។ ដើម្បីធ្វើប័ណ្ណសមាជិក ប.ស.ស. លោកអ្នកត្រូវភ្ជាប់មកជាមួយនូវទម្រង់ឯកសារមួយចំនួនដូចជា៖ ១.ទម្រង់លិខិតបញ្ជាក់ការងារ ២.អត្តសញ្ញាណប័ណ្ណសញ្ជាតិខែ្មរច្បាប់ដើមសម្រាប់ជនជាតិខ្មែរ ឬលិខិតឆ្លងដែនច្បាប់ដើមសម្រាប់ជនជាតិបរទេស។ ករណីមិនមានអត្តសញ្ញាណប័ណ្ណច្បាប់ដើម ឬអត្តសញ្ញាណប័ណ្ណហួសសុពលភាពអាចភ្ជាប់លិខិតបញ្ជាក់អត្តសញ្ញាណបុគ្គល និងលិខិតបញ្ជាក់ភាពត្រឹមត្រូវ នៃទិន្នន័យអត្តសញ្ញាណបុគ្គល នៅអគ្គនាយកដ្ឋានអត្តសញ្ញាណកម្ម ព័ត៌មានលំអិតសូមទាក់ទង ១២៨៦ សូមអរគុណ! 📌សូមជម្រាបជូនថា ប.ស.ស. មិនមានការបង់ភាគទានតាមរយៈការស្កែន QR Code ឬទំនាក់ទំនងទៅសមាជិកផ្ទាល់នោះទេ។ ចំពោះការបង់ភាគទានតាមរយៈ QR CODE ឬតាមរយៈវិធីផ្សេងៗ ដែលមានឈ្មោះបុគ្គល គឺជាករណីឆបោក សូមបងប្អូនមេត្តាប្រុងប្រយ័ត្នឱ្យបានខ្ពស់ ជៀសវាងខាតបង់ថវិកាផ្ទាល់ខ្លួន។