金边“诺拉岛-阿雷沙”大桥项目进展

គម្រោងស្ពានតភ្ជាប់ពី«កោះនរា-ក្រុងអរិយក្សត្រ» ឈានដល់ការខួងដី/យកសំណាកដីពិនិត្យ (បច្ចេកទេស) ដើម្បីត្រៀមចាក់គ្រឹះ .. ភ្នំពេញ៖ គម្រោងស្ពានឆ្លងកាត់ទន្លេមេគង្គ ដោយតភ្ជាប់ពី កោះនរា រាជធានីភ្នំពេញ ទៅក្រុងរណបមេគង្គឃី (Koh Norea - Mekong Quay) ក្រុងអរិយក្សត្រ ខេត្តកណ្តាល បានឈានដល់ការខួងដី/យកសំណាកដីពិនិត្យ(បច្ចេកទេស) ដើម្បីត្រៀមចាក់គ្រឹះ និង ក្រុមអ្នកជំនាញកំពុងសិក្សាលម្អិត។គម្រោងនេះ ត្រូវបានធ្វើឡើងនៅឯកន្ទុយកោះនរា ទៅក្រុងអរិយក្សត្រ។ កាលពីថ្ងៃទី១៧ ខែធ្នូ ឆ្នាំ២០២៤កន្លងទៅ សម្ដេចនាយករដ្ឋមន្រ្តី ហ៊ុន ម៉ាណែត បានស្នើសុំឱ្យមានការសិក្សាសាងសង់ស្ពានតភ្ជាប់ពី «កោះនរា-ក្រុងអរិយក្សត្រ» ដើម្បីជំរុញកំណើនសេដ្ឋកិច្ចជាតិជារួមផង តាមរយៈការជួយបង្កើនភាពសកម្មនៃ វិស័យអចលនទ្រព្យ, វិនិយោគ, ពាណិជ្ជកម្ម, បដិសណ្ឋារកិច្ច, ក៏ដូចជា ការជួយផ្សព្វផ្សាយវប្បធម៌ និង ទេសចរណ៍របស់កម្ពុជា៕