皇家金边大学与残疾人行动委员会于6月9日向学生推广2026年

ការផ្សព្វផ្សាយឱកាសចូលរួមការប្រកួតប្រជែងជាសកលផ្នែកព័ត៌មានវិទ្យាសម្រាប់យុវជនមានពិការភាព ឆ្នាំ២០២៦ សាកលវិទ្យាល័យភូមិន្ទភ្នំពេញ៖ នាថ្ងៃទី៩ ខែមិថុនា ឆ្នាំ២០២៦ ក្រុមការងារសាកលវិទ្យាល័យភូមិន្ទភ្នំពេញ និងក្រុមប្រឹក្សាសកម្មភាពជនពិការ បានជួបជាមួយនិស្សិត ដើម្បីផ្សព្វផ្សាយ និងណែនាំអំពីសេចក្តីជូនដំណឹងរបស់ក្រុមប្រឹក្សាសកម្មភាពជនពិការ (DAC) ស្តីពីការជ្រើសរើសយុវជនមានពិការភាពចូលរួមការប្រកួតប្រជែងជាសកលផ្នែកព័ត៌មានវិទ្យា ឆ្នាំ២០២៦។ ក្នុងឱកាសនោះ ក្រុមការងារបានធ្វើការបកស្រាយអំពីគោលបំណងនៃកម្មវិធី លក្ខខណ្ឌជ្រើសរើស អត្ថប្រយោជន៍ដែលបេក្ខជនទទួលបាន ព្រមទាំងនីតិវិធី និងកាលបរិច្ឆេទនៃការដាក់ពាក្យចូលរួម។ និស្សិតបានបង្ហាញការចាប់អារម្មណ៍យ៉ាងសកម្ម តាមរយៈការសួរសំណួរ និងការចែករំលែកមតិយោបល់ជុំវិញឱកាសអភិវឌ្ឍសមត្ថភាពផ្នែកបច្ចេកវិទ្យាព័ត៌មាន និងការចូលរួមក្នុងកម្មវិធីអន្តរជាតិ។ សកម្មភាពនេះមានគោលបំណងលើកកម្ពស់ការទទួលបានព័ត៌មានស្មើភាពគ្នា ជំរុញការចូលរួមរបស់យុវជនមានពិការភាព និងបង្កើនឱកាសក្នុងការអភិវឌ្ឍសមត្ថភាព បង្ហាញសក្តានុពល និងតំណាងឱ្យប្រទេសកម្ពុជានៅលើឆាកអន្តរជាតិ។ #Disability #Student #RUPP គេហទំព័រ និងបណ្ដាញសង្គមផ្លូវការរបស់​ RUPP 🌐 | [Facebook Page](https://www.facebook.com/ruppedu.kh/) 🌐 | [Telegram Channel](https://t.me/ruppnews) 🌐 | [Telegram Chat](https://t.me/+2N5cth6hKMg0M2Jl) 🌐 | [Tiktok](https://www.tiktok.com/@www.rupp.edu.kh?_r=1&_t=ZS-95lg8eK61rg)