干拉省政府举办新年迎神仪式

ទិដ្ឋភាពរដ្ឋបាលខេត្តកណ្តាល រៀបចំពិធីទទួលទេវតាឆ្នាំថ្មី ដែលយាងចុះមកវេលាម៉ោង ១០ និង ៤៨នាទី ថ្ងៃទី១៤ មេសា នេះ ស្ថិតនៅសួនច្បារ មាត់ទន្លេបាសាក់ ក្រុងតាខ្មៅ ក្រោមអធិបតីភាពលោក នូ សាខន ប្រធានក្រុមប្រឹក្សាខេត្តកណ្តាល, លោក​ គួច​ ចំរេីន​ អភិបាលខេត្តកណ្ដាល ព្រមទាំងមន្រ្តីរាជការជុំវិញខេត្ត។ ពិធីទទួលទេវតាឆ្នាំថ្មី រដ្ឋបាលខេត្តកណ្ដាលក៏បានរៀបចំសម្ដែងរបាំត្រុដិ ដេីម្បីសុភមង្គលដល់មនុស្សគ្រប់រូប និងបណ្តេញឧបទ្រពចង្រៃចេញពីផ្ទះ ពីភូមិស្រុករបស់ប្រជាពលរដ្ឋផងដែរ​ ព្រមទាំងរបាំជូនពរ​ និងមានការរៀបចំនូវពលិការ(គ្រឿងសក្ការបូជា) ថ្វាយព្រះរតនត្រ័យ ដើម្បីសូមពរជ័យសព្វសាធុការ សិរីសួស្តី និងវិបុលសុខ ជូនដល់គ្រប់ក្រុមគ្រួសារខ្មែរ​ ។