班迭棉吉省宪兵招募100名士兵 9月4日起接受报名

ខេត្តបន្ទាយមានជ័យ ប្រកាសជ្រើសរើសពលទាហាន ១០០នាក់ និងបម្រុង ៦នាក់ បញ្ជាការដ្ឋានកងរាជអាវុធហត្ថខេត្តបន្ទាយមានជ័យ បានប្រកាសជ្រើសរើសពលទាហានចំនួន ១០០នាក់ ដើម្បីបំពេញក្របខ័ណ្ឌ និង ៦នាក់ជាបម្រុង សម្រាប់អ្នកមានបំណង និងស្ម័គ្រចិត្តចូលបម្រើការងារក្នុងកងរាជអាវុធហត្ថ។ តាមសេចក្តីជូនដំណឹងរបស់បញ្ជាការដ្ឋានកងរាជអាវុធហត្ថខេត្តបន្ទាយមានជ័យ ការចែកពាក្យធ្វើឡើងចាប់ពីថ្ងៃទី ៣ ដល់ថ្ងៃទី១២ ខែកញ្ញា ឆ្នាំ២០២៦ និងទទួលពាក្យចាប់ពីថ្ងៃទី ៤ ដល់ថ្ងៃទី១៥ ខែកញ្ញា ឆ្នាំ២០២៦ នៅបញ្ជាការដ្ឋានកងរាជអាវុធហត្ថខេត្តបន្ទាយមានជ័យ ដោយឥតគិតថ្លៃ។ បេក្ខជនត្រូវមានសញ្ជាតិខ្មែរ ភេទប្រុស នៅលីវ អាយុពី ១៨ ដល់ ២៥ឆ្នាំ មានសុខភាព និងកាយសម្បទាល្អ មានសញ្ញាបត្រមធ្យមសិក្សាទុតិយភូមិឡើងទៅ និងមានកម្ពស់ចាប់ពី ១,៧០ម៉ែត្រ ឡើងទៅ។ បេក្ខជនត្រូវឆ្លងកាត់ការត្រួតពិនិត្យលក្ខណៈសម្បត្តិ និងការប្រឡងសមត្ថភាព រួមមាន សរសេរតាមអាន គណិតវិទ្យា រូបវិទ្យា គីមីវិទ្យា និងភាសាអង់គ្លេស ព្រមទាំងការពិនិត្យសុខភាព ឈាម កាយសម្បទា និងទឹកមូត្រ៕