柬埔寨海外学生联合会举行新年祈福仪式

[🟢 ពិធីសូត្រមន្តប្រោះព្រំ ប្រសិទ្ធពរជ័យ សិរីមង្គល ក្នុងឱកាសពិធីបុណ្យចូលឆ្នាំថ្មីប្រពៃណីជាតិ ឆ្នាំមមី អដ្ឋស័ក ព.ស.២៥៧០](https://www.facebook.com/share/p/1C8eQPegeQ/) 🟢 រាជធានីភ្នំពេញ៖ នារសៀលថ្ងៃទី៦ ខែមេសា ឆ្នាំ២០២៦ នៅការិយាល័យកណ្តាលសហព័ន្ធ ឯកឧត្តម ឡុង គីមឃន ប្រធានក្រុមប្រឹក្សាភិបាល ព្រមទាំងក្រុមប្រឹក្សាភិបាល ទីប្រឹក្សា នាយកប្រតិបត្តិ និងក្រុមការងារនៃគណៈកម្មការប្រតិបត្តិ បាននិមន្តព្រះសង្ឃសូត្រមន្ត បង្សុកូល ឧទ្ទិសកុសល ជូនដល់វិញ្ញាណក្ខន្ធបុព្វបុរស និងវិញ្ញាណក្ខន្ធវីរៈកងទ័ពដែលបានពលីជីវិត ក្នុងបុព្វហេតុការពារបូរណភាពទឹកដី ព្រមទាំងចម្រើនព្រះបរិត្ត ប្រសិទ្ធពរជ័យ សិរីមង្គល ក្នុងឱកាសពិធីបុណ្យចូលឆ្នាំថ្មី ប្រពៃណីជាតិ ឆ្នាំមមី អដ្ឋស័ក ព.ស.២៥៧០ គ.ស.២០២៦។ 🟢 សូមទេវតាឆ្នាំថ្មី ឆ្នាំមមី ព្រះនាម រាក្យសាទេវី ដែលនឹងចុះអភិបាល ជួយបីបាច់ថែរក្សា ប្រោសប្រទានពរជ័យ សិរីមង្គល វិបុលសុខ មហាប្រសើរ ជូនដល់ថ្នាក់ដឹកនាំក្រុមប្រឹក្សាភិបាល ទីប្រឹក្សា ក្រុមការងារគណៈកម្មការប្រតិបត្តិ សមាគមជាសមាជិក យុវទូតសុឆន្ទៈ នាយកកម្មវិធី និងសិស្ស និស្សិតកម្ពុជាដែលកំពុងសិក្សានៅបរទេសទាំងអស់ សូមទទួលបានសុខភាពបរិបូរណ៍ កម្លាំងមាំមួន បញ្ញាភ្លឺថ្លា អាយុយឺនយូរ និងទទួលបានជោគជ័យថ្មីៗបន្ថែមទៀត ជូនជាតិមាតុភូមិ។