布拉索昆重申边境立场 强调维护国家主权与领土完整

លោក ប្រាក់ សុខុន ប្រាប់សមភាគីថៃថា «បើចង់ឱ្យកម្ពុជាឈប់លើកបញ្ហារំលោភបំពានរបស់ថៃ លុះត្រាថៃឈប់ប្រព្រឹត្តអំពើខុសច្បាប់លើកម្ពុជា» «បើចង់ឱ្យខ្ញុំឈប់លើកអំពីបញ្ហាទាំងអស់នេះ មិនពិបាកទេ ឱ្យតែយោធាថៃ ឈប់ប្រព្រឹត្ត អំពើខុសច្បាប់មកលើយើង នោះជាការស្រេចទៅហើយ។»។ នេះគឺជាការឆ្លើយតបរបស់ ឧបនាយករដ្ឋមន្ត្រី ប្រាក់ សុខុន ទៅកាន់អ្នកកាសែតថៃ ដែលតាំងសំណួរថា « បទឈប់បាញ់ គួរដើរទៅទន្ទឹមគ្នាជាមួយនឹងការបញ្ចប់ការថ្លែងការណ៍ ដែលមិនជួយ បង្កើតបរិយាកាសវិជ្ជមានក្នុងការស្តារទំនាក់ទំនងឡើងវិញ»។ ឆ្លើយនឹងសំណួរដដែល ប្រមុខការទូតកម្ពុជា សង្កត់ធ្ងន់ថា លោកត្រូវតែនិយាយ ត្រូវតែលើកបញ្ហារំលោបរំពានទាំងអស់របស់ថៃ លើកកម្ពុជា ព្រោះវាពាក់ព័ន្ធទៅដល់អធិបតេយ្យ ជាតិរបស់កម្ពុជា បូរណភាពទឹកដីរបស់កម្ពុជា និងដី ផ្ទះសម្បែងរបស់ប្រជាពលរដ្ឋ របស់កម្ពុជា។ ប្រមុខការទូតកម្ពុជា ក៏បានលើកពីអ្វីដែលលោកនិងសមភាគីថៃ បានជជែកគ្នា នៅក្នុងកិច្ចជំនួប នៅប្រទេសប្រ៊ុយណេកាលពីពេលថ្មីៗនេះដែរ។ ឧបនាយករដ្ឋមន្ត្រី ប្រាក់ សុខុន បាននិយាយដោយត្រង់ ទៅកាន់សមាភាគីថៃ គឺលោក Sihasak Phuangketkeow ថា កន្លងទៅកម្ពុជា បានអត់ធ្មត់ខ្លាំងណាស់ ដើម្បីថ្នាក់ថ្នមសភាពការណ៍ រក្សាបទឈប់បាញ់ និងរកដំណោះស្រាយដោយសន្តិវិធីជាមួយគ្នា។