柬泰边境局势紧张 法媒报道边境封锁情况

ទូរទស្សន៍បារាំង ARTE បានចុះទៅទៅយកព័ត៌មាននៅតំបន់ព្រំដែនក្នុងខេត្តបន្ទាយមានជ័យ និងបានបង្ហាញពីរូបភាពនៃការដាក់កុងតឺន័ររាយបន្លាលួស ព័ទ្ធទឹកដីកម្ពុជា។ ខាងក្រោមនេះជាការសង្ខេបខ្លឹមសារនៃព័ត៌មាននេះ៖ កម្ពុជាបានចោទប្រកាន់យោធាថៃថាបានដាក់របងលួសបន្លា បន្ទាប់ពីការប្រយុទ្ធគ្នាកាលពីខែធ្នូ ឆ្នាំ២០២៥ កន្លងទៅ។ បច្ចុប្បន្ននេះ កងទ័ព និងប្រជាជនកម្ពុជាមិនអាចចូលទៅក្នុងតំបន់នោះបានទេ។ «ទីនេះគឺភូមិជោគជ័យ បច្ចុប្បន្ននេះជុំវិញភូមិនេះត្រូវបានព័ទ្ធដោយកុងតឺន័រ។ យើងមិនសប្បាយចិត្តទេ។ អ្វីដែលយោធាថៃបានធ្វើ គឺជាសកម្មភាពខុសច្បាប់»។ នៅផ្នែកមួយខាងទៀត ទាហានថៃដែលនៅឈរកុងតឺន័របានសង្កេតមើលការថតរបស់អ្នកសារព័ត៌មាន។ ការប្រយុទ្ធកាលពីឆ្នាំ២០២៥ កន្លងទៅបានបង្កឱ្យមានជនភៀសសឹករាប់សែននាក់។ នៅចម្ងាយប៉ុន្មានគីឡូម៉ែត្រពីព្រំដែន ជាកន្លែងស្នាក់នៅរបស់ជនភៀសសឹក។ រដ្ឋាភិបាលកម្ពុជាបានកសាងភូមិរង់ចាំសម្រាប់ពួកគាត់ស្នាក់នៅបណ្តោះអាសន្ន។ ពលរដ្ឋភៀសសឹកខ្លះធ្លាប់រស់នៅប្រមាណជាង ១០គីឡូម៉ែត្រប៉ុណ្ណោះពីភូមិរង់ចាំនេះ តំបន់ដែលត្រូវបានគ្រប់គ្រងដោយយោធាថៃ។ សន្តិភាពនៅឆ្ងាយពីការពិត។ [វីដេអូដើមរបស់ទូរទស្សន៍បារាំង ARTE](https://www.arte.tv/fr/videos/134548-000-A/thailande-cambodge-la-paix-n-existe-toujours-pas/)