柬埔寨出席第79届东盟知识产权合作会议

(សិង្ហបុរី)៖ នាព្រឹកថ្ងៃចន្ទ ទី២៤ ខែសីហា ឆ្នាំ២០២៦ លោក សួន វិជ្ជា ប្រធាននាយកដ្ឋានកម្មសិទ្ធិបញ្ញា និងជាប្រធានក្រុមការងារអាស៊ានស្តីពីកិច្ចសហប្រតិបត្តិការកម្មសិទ្ធិបញ្ញា (AWGIPC) បានអញ្ជើញចូលរួមថ្លែងសុន្ទរកថាក្នុងពិធីបើកកិច្ចប្រជុំ AWGIPC លើកទី៧៩ និងកិច្ចប្រជុំពាក់ព័ន្ធ ដែលប្រព្រឹត្តទៅចាប់ពីថ្ងៃទី២៤ ដល់ថ្ងៃទី២៨ ខែសីហា ឆ្នាំ២០២៦ នៅប្រទេសសិង្ហបុរី។ កិច្ចប្រជុំនេះរៀបចំឡើងក្រោមអធិបតីភាព ឯកឧត្តម Jung Yeonwoo អនុរដ្ឋមន្ត្រីក្រសួងកម្មសិទ្ធិបញ្ញានៃសាធារណរដ្ឋកូរ៉េ ព្រមទាំងមានការចូលរួមពីប្រធាន និងតំណាងអង្គភាពកម្មសិទ្ធិបញ្ញារបស់បណ្តាប្រទេសសមាជិកអាស៊ាន ដៃគូសន្ទនា អង្គការអន្តរជាតិ និងភាគីពាក់ព័ន្ធ។ កិច្ចប្រជុំ AWGIPC លើកទី៧៩ គឺជាវេទិកាសំខាន់សម្រាប់អាស៊ាន និងដៃគូពាក់ព័ន្ធ ក្នុងការផ្លាស់ប្តូរទស្សនៈ ចំណេះដឹង បទពិសោធន៍ និងការអនុវត្តល្អៗ ដើម្បីពង្រឹងប្រព័ន្ធកម្មសិទ្ធិបញ្ញាក្នុងតំបន់ និងធ្វើឱ្យកម្មសិទ្ធិបញ្ញាក្លាយជាកម្លាំងចលករសម្រាប់ការច្នៃប្រឌិត ការប្រកួតប្រជែង ការវិនិយោគ ពាណិជ្ជកម្ម និងការអភិវឌ្ឍសេដ្ឋកិច្ចប្រកបដោយចីរភាព៕ … ភ្ជាប់មកកាន់ក្រសួងពាណិជ្ជកម្ម តាមតំណភ្ជាប់ខាងក្រោម៖ Connect with Ministry Of Commerce: 🌐 [Facebook ](https://web.facebook.com/moc.gov.kh) 🌐 [Telegram](https://t.me/mocnewsfeed) 🌐 [Website](https://www.moc.gov.kh/) 🌐 [YouTube](https://www.youtube.com/@mocgovkhcambodia) 🌐 [X (Twitter](https://twitter.com/MoCCambodia))