马德望省边境发生越境遣返事件 1人重伤送医

📰ប្រភពពីខេត្តបាត់ដំបង : កាលពីរសៀលថ្ងៃទី ២០ ខែកញ្ញា ឆ្នាំ២០២៦ បានឱ្យដឹងថា ដំបូងពលរដ្ឋកម្ពុជាចំនួន៥នាក់ ក្នុងនោះមានទាំងសាកសពស្ត្រីម្នាក់ផង ត្រូវពួកទាហានថៃបញ្ជូនឆ្លងអូរព្រំដែនត្រឡប់មកវិញតាមច្រករបៀងមួយនៅ ម៉ោងប្រហែល ១១:៣០នាទីថ្ងៃត្រង់ ។ លុះកន្លះម៉ោងក្រោយមក ភាគីថៃបានជូនដំណឹងមកភាគីកម្ពុជាជាថ្មីទៀតជាមួយនឹងការបញ្ជូនយុវជនម្នាក់ទៀតដែលមានស្នាមរបួសក្បាលយ៉ាងធ្ងន់ធ្ងរ តាមច្រករបៀងមួយផ្សេងទៀត នៅក្នុងភូមិសាស្ត្រ ឃុំត្រាង ស្រុកកំរៀង ។ ប្រភពពីមន្ត្រីដែលសុំមិនបញ្ចេញឈ្មោះបាននិយាយថា: ករណីនេះ ភាគីថៃបានជូនដំណឹងជាមុន មកសមត្ថកិច្ចកម្ពុជា ដោយប្រាប់ថា ពួកគេនឹងបញ្ជូនពលរដ្ឋកម្ពុជាចំនួន៥នាក់មកឱ្យកម្ពុជាវិញ តាមច្រករបៀងមួយនៅចំណុច «ដើមពុទ្រា» ស្ថិតក្នុងភូមិសាស្ត្រ ឃុំត្រាង ស្រុកកំរៀង ប៉ុន្តែពេលសមត្ថកិច្ចកិច្ចកម្ពុជាចុះទៅទទួល បែរជាឃើញមានសាកសពស្ត្រីម្នាក់បញ្ជូនមកជាមួយផង ក្នុងចំណោមមនុស្សចំនួន៥នាក់ដែលភាគីថៃបានប្រគល់ ។ សាកសពស្ត្រីខ្មែរនោះ ឈ្មោះ វេស ចាន់ឌិប អាយុ២៣ឆ្នាំ មានស្រុកកំណើតនៅ ស្រុកអង្គរជុំ ខេត្តសៀមរាប ។ បើតាមប្រភពដដែលដែលបានស្រង់សម្ដីពីភាគីថៃបានឱ្យដឹងថា ស្ត្រីរងគ្រោះមានជំងឺដែលត្រូវសម្រាកព្យាបាលនៅមន្ទីរពេទ្យមួយក្នុងប្រទេសថៃ ។ មន្ទីរពេទ្យនោះ គេទាមទារប្រាក់ថៃព្យាបាលរហូតដល់ទៅចំនួន៥សែនបាត (លុយថៃ) តែក្រុមគ្រួសារគ្មានលទ្ធភាពព្យាបាល ទើបខាងមន្ទីរពេទ្យទុករហូតដល់ជនរងគ្រោះត្រូវបាត់បង់ជីវិត ហើយក៏បញ្ជូនទាំងសាកសព និងក្រុមគ្រួសារត្រឡប់មកប្រទេសកំណើតវិញ ។ ដោយឡែក ករណីទី២ បើតាមរបាយការណ៍ដដែល នៅម៉ោងប្រហែល១២ថ្ងៃត្រង់ ថ្ងៃដដែលភាគីថៃបានជូនដំណឹងជាថ្មីទៀត អំពីករណីបញ្ជូនពលរដ្ឋកម្ពុជាម្នាក់ទៀត ប្រគល់មកឱ្យភាគីកម្ពុជាវិញ តាមច្រករបៀង ត្រង់ចំណុច «ម៉ុងចិន» ស្ថិតក្នុងភូមិសាស្ត្រ ឃុំត្រាង ស្រុកកំរៀងដែរ ។ ពលរដ្ឋកម្ពុជាម្នាក់នោះ ឈ្មោះ រិទ្ធ សំណាង ភេទប្រុស អាយុ២៤ឆ្នាំ នៅភូមិអូរពងមាន់ ឃុំតាគ្រាម ស្រុកបាណន់ ខេត្តបាត់ដំបង ។ ជនរងគ្រោះមានស្នាមរបួសលើផ្ទៃមុខ និងស្នាមរបួសបែកក្បាលយ៉ាងធ្ងន់ធ្ងរ ។ បើតាមការស្រង់សម្ដីពីភាគីថៃបានប្រាប់សមត្ថកិច្ចកម្ពុជា ដែលចុះទៅទទួលជនរងគ្រោះថា ជនរងគ្រោះរបួសដោយសារគ្រោះថ្នាក់ចរាចរណ៍ដោយខ្លួនឯង ប៉ុន្តែយ៉ាងណាក៏ដោយ ពាក់ព័ន្ធនឹងការបញ្ជូនពលរដ្ឋកម្ពុជាមានអ្នកនៅរស់ មានអ្នកស្លាប់ និងមានអ្នករបួសទាំងពីករណីខាងលើនេះ ពុំមានមន្ត្រីភាគីកម្ពុជាណាម្នាក់បានដឹងច្បាស់ពីមូលហេតុទេ ។ ប៉ុន្តែការលើកឡើងខាងលើនេះ សុទ្ធតែជាការអះអាងពីភាគីថៃតែម្ខាងប៉ុណ្ណោះ ដែលបាននិយាយប្រាប់ភាគីកម្ពុជា នៅពេលសមត្ថកិច្ចកម្ពុជាចុះទៅទទួលយកពលរដ្ឋកម្ពុជា និងជនរងគ្រោះ ។ ហើយរហូតមកទល់ពេលនេះ ក៏ពុំមានប្រភពច្បាស់លាក់ពីភាគីកម្ពុជាដែរ បើទោះជាសមត្ថកិច្ចកម្ពុជា នៅតំបន់ព្រំដែននោះ បានចុះទៅទទួលពលរដ្ឋផ្ទាល់ដៃភាគីថៃក្ដី ៕ ✍🏻 Saroeurn Som ✦ . 　⁺ 　 . ✦ . 　⁺ 　 . ✦ . 　⁺ 　 . ✦ . 　⁺ 　 . ✦ . 👉🏻នាំមកជូនដោយ: https://t.me/mydigitalcurrencyexchange សេវាកម្មវេរលុយទៅចិន 🇨🇳 ថៃ🇹🇭 វៀតណាម🇻🇳 ម៉ាលេសុី🇲🇾 ហុងកុង🇭🇰 តៃវ៉ាន់🇹🇼 និង សិង្ហបូរី🇸🇬 ធានាជូននូវសុវត្ថិភាពខ្ពស់១០០%🤞🏻 👉🏻នាំមកជូនដោយ https://t.me/queenmoutlet ពិភពនៃទំនិញនារីដ៏សម្បូរបែប រួមមាន កាបូប, ស្បែកជើង Brand និង ទឹកអប់ Original🫰🏻