印度海军舰艇INS Kulish于9月12日首次停靠柬埔寨云

នាវាចម្បាំងទ័ពជើងទឹកឥណ្ឌាចូលចតនៅមូលដ្ឋានសមុទ្ររាម គ្រាដែលដៃគូលើផ្លូវសមុទ្រទ្វេភាគីកំពុងរីកចម្រើន នាវាចម្បាំងរបស់កងទ័ពជើងទឹកឥណ្ឌា INS Kulish បានចូលចតនៅមូលដ្ឋានសមុទ្ររាមកងទ័ពជើងទឹកកម្ពុជា នាវេលាម៉ោង៩: ៣០ នាទីព្រឹកថ្ងៃថ្ងៃទី ១២ ខែកញ្ញា ។ នេះជាទស្សនកិច្ចលើកដំបូងបង្អស់របស់នាវាកងទ័ពជើងទឹកឥណ្ឌា មកកាន់ទីតាំងមូលដ្ឋានជើងទឹកកម្ពុជាមួយនេះ។ សេចក្តីប្រកាសព័ត៌មានស្ថានទូតឥណ្ឌាប្រចាំកម្ពុជា បញ្ជាក់ថា ដំណើរទស្សនកិច្ចជាផ្លូវការនេះ បានគូសបញ្ជាក់ពីដៃគូលើផ្លូវសមុទ្រទ្វេភាគីកាន់តែរីកចម្រើនរវាងឥណ្ឌា និងកម្ពុជា ព្រមទាំងឆ្លុះបញ្ចាំងពីការប្តេជ្ញាចិត្តរួមគ្នាចំពោះកិច្ចសហប្រតិបត្តិការជើងទឹកប្រកបដោយវិជ្ជាជីវៈ។ ការចូតចលនេះសបញ្ជាក់ថា មូលដ្ឋានសមុទ្ររាម មិនមែនជាទីអាថ៌កំបាំងឡើយ ហើយក៏ស្របនឹងការប្រកាសរបស់នាយករដ្ឋមន្ត្រី សម្ដេចធិបតី ហ៊ុន ម៉ាណែត ក្នុងការបើកទ្វារស្វាគមន៍រាល់នាវាប្រទេសជាមិត្តទាំងអស់ដែលមកហ្វឹកហ្វឺននៅមូលដ្ឋានសមុទ្ររាម ចាប់ពីថ្ងៃសម្ពោធដាក់ឱ្យប្រើប្រាស់ជាផ្លូវការនៅថ្ងៃទី៥ ខែមេសា ឆ្នាំ២០២៥ តទៅ។ ដោយ/ ង៉ិល ណារ៉ាត់