柬泰边境局势仍脆弱 柬国防部称泰方持续调动军队

កម្ពុជាថា ទោះមានបទឈប់បាញ់ប៉ុន្តែស្ថានការណ៍នៅផុយស្រួយ ថៃបន្តចល័តទ័ព ប្ដូរស្ថានភាពលើដី រារាំងជនស៊ីវិល រដ្ឋលេខាធិការក្រសួងការពារជាតិ ឧត្ដមសេនីយ៍ឯក រ៉ាត់ ដារ៉ារ័ត្ន បានប្រាប់បណ្ដាក្រុមអនុព័ន្ធយោធាបរទេសប្រចាំកម្ពុជា(MACPP)ថា ទោះបីកម្ពុជា និង ថៃ សម្រេចបានបទឈប់បាញ់ក៏ពិតមែន ប៉ុន្តែស្ថានការណ៍តាមបណ្ដោយព្រំដែននៅតែផុយស្រួយ ព្រោះមានចលនាចល័តទ័ព ការរាយលួសបន្លា ដាក់ទូរកុងតឺន័រ ការសាងសង់សំណង់រឹង ផ្លាស់ប្ដូរស្ថានភាពលើដីជាក់ស្ដែង និងរារាំងពលរដ្ឋស៊ីវិលមិនឱ្យវិលចូលលំនៅដ្ឋានវិញ។ លោកថា បញ្ហានេះ ជាបញ្ហាប្រឈមដែលទាមទារឱ្យមានការដោះស្រាយបន្ទាន់។ ឧត្ដមសេនីយ៍ឯក រ៉ាត់ ដារ៉ារ័ត្ន ថ្លែងបែបនេះ ក្នុងបទបង្ហាញស្តីពីបច្ចុប្បន្នភាព និងស្ថានភាពតាមបណ្តោយព្រំដែនកម្ពុជា–ថៃ នៅទីស្តីការក្រសួងការពារជាតិ ដែលមានក្រុមអនុព័ន្ធយោដែលមានតំណាងមកពី ១៨ប្រទេសចូលរួម។