金边举行医疗人员患者信息追踪与转诊培训会

កិច្ចប្រជុំបណ្តុះបណ្តាលបន្ត អំពីពិធីសារតាមដាន និងផ្ទេរព័ត៌មានអ្នកជំងឺឱ្យបានច្បាស់លាស់ និងគ្រប់ជ្រុងជ្រោយ —— រាជធានីភ្នំពេញ៖ ព្រឹកថ្ងៃព្រហស្បតិ៍ ទី៩ ខែមេសា ឆ្នាំ២០២៦ ឯកឧត្តមសាស្ត្រាចារ្យ ឡឹម តារា រដ្ឋលេខាធិការក្រសួងសុខាភិបាល និងជាប្រធានក្រុមប្រឹក្សាភិបាល នៃមន្ទីរពេទ្យមិត្តភាព កម្ពុជា-ចិនព្រះកុសមៈ បានអញ្ជើញចូលរួមក្នុងកិច្ចប្រជុំបណ្តុះបណ្តាលបន្ត អំពីពិធីសារតាមដាន និងផ្ទេរព័ត៌មានអ្នកជំងឺ ឱ្យបានច្បាស់លាស់ និងគ្រប់ជ្រុងជ្រោយ។ ឯកឧត្តមសាស្ត្រាចារ្យ ក៏បានចូលរួមកិច្ចប្រជុំបច្ជេកទេស ពហុជំនាញកម្រិតវេជ្ជបណ្ឌិត (Grand RCP) ដែលប្រព្រឹត្តទៅជាទៀងទាត់រៀងរាល់សប្តាហិ៍ ដើម្បីពិភាក្សាអំពីលទ្ធផលការព្យាបាល និងករណីជំងឺធ្ងន់ស្មុគ្រស្មាញ ធ្វើយ៉ាងណាឱ្យគុណភាព និងប្រសិទ្ធភាព នៃការព្យាបាលថែរទាំអ្នកជំងឺ កាន់តែល្អប្រសើរ។ ឯកឧត្តមសាស្ត្រាចារ្យ បានផ្តល់អនុសាសន៍ដល់ថ្នាក់ដឹកនាំ និងមន្ត្រីបុគ្គលិកទាំងអស់ ខិតខាំពង្រឹងចំណេះជំនាញបច្ចេកទេស និងបំពេញការងារដោយយកក្រមសីលធម៌វិជ្ជាជីវៈ ក្នុងការសម្រេចចិត្តឱ្យបានត្រឹមត្រូវ។ ថ្នាក់ដឹកនាំ និងមន្ត្រីសុខាភិបាលទាំងអស់ ត្រូវរួបរួមសាមគ្គីធ្វើការងារជាក្រុម និងបង្កើតវប្បធម៌រៀនសូត្រពីចំណុចខ្វះខាត ដោយគិតពីសុវត្ថិភាព និងផលប្រយោជន៍អ្នកជំងឺជាចម្បង។ **🌐** [Website](https://moh.gov.kh/kh/home) 📱 [Facebook](https://www.facebook.com/MinistryofHealthofCambodia?mibextid=ZbWKwL) 📱 [Telegram](https://t.me/MOHCambodia) 📱 [X (twitter)](https://x.com/MohCambodia) 📱 [Tiktok](https://www.tiktok.com/@mohcambodia) 📱 [YouTube](https://www.youtube.com/@MOHCambodia)