金边警察局：宋干节期间安保秩序良好，民众踊跃参与

ស្នងការនគរបាលរាជធានីភ្នំពេញ៖ មហាជនចូលរួមយ៉ាងច្រើនកុះករ ខណៈសន្តិសុខ និងសណ្ដាប់ធ្នាប់ត្រូវបានគ្រប់គ្រងយ៉ាងល្អក្នុង «នគរសង្ក្រាន្ត» (ភ្នំពេញ)៖ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានលើកឡើងថា ក្នុងថ្ងៃទី៣ នៃពិធីបុណ្យចូលឆ្នាំថ្មី ប្រពៃណីជាតិខ្មែរ ប្រជាពលរដ្ឋបានចូលរួមលេងកម្សាន្តក្នុងព្រឹត្តិការណ៍ «នគរសង្ក្រាន្ត» យ៉ាងច្រើនកុះករ ខណៈស្ថានភាពសន្តិសុខ និងសណ្ដាប់ធ្នាប់ត្រូវបានធានាយ៉ាងល្អប្រសើរ។ ការលើកឡើងនេះធ្វើឡើងនៅរសៀលថ្ងៃទី១៦ ខែមេសា ឆ្នាំ២០២៦ ក្នុងឱកាសដែលឯកឧត្តម បានបន្តចុះត្រួតពិនិត្យសភាពការណ៍ជាក់ស្តែង ដើម្បីពង្រឹងការគ្រប់គ្រងសណ្ដាប់ធ្នាប់ និងធានាសុវត្ថិភាពជូនប្រជាពលរដ្ឋ។ ជាមួយគ្នានេះ អាជ្ញាធរ និងកងកម្លាំងសមត្ថកិច្ចបានបន្តដាក់ពង្រាយកម្លាំងយ៉ាងម៉ត់ចត់ ដើម្បីសម្របសម្រួលចរាចរណ៍ និងការពារសន្តិសុខ ក្នុងបរិយាកាសសប្បាយរីករាយ និងមានរបៀបរៀបរយល្អ។ ប្រភព៖ ស្នងការដ្ឋាននគរបាលរាជធានីភ្នំពេញ —— Page [Troryorng News](https://www.facebook.com/share/p/1ZfrcPhPoZ/) Page [Troryorng TV](https://www.facebook.com/share/14DPeavcn1c/?mibextid=wwXIfr) Page [Troryorng សង្គម-កម្សាន្ត](https://www.facebook.com/share/1GLoG894TC/?mibextid=wwXIfr) Page [Troryorng Spots](https://www.facebook.com/share/19g1hx7oGe/?mibextid=wwXIfr)