柬埔寨文化宗教历史局召开季度会议 17人出席

ឯកឧត្តម ហ៊ឺ វីរៈ បានដឹកនាំកិច្ចប្រជុំប្រចាំត្រីមាសទី៣ របស់នាយកដ្ឋានជំរុញចលនាវប្បធម៌ សាសនា និងប្រវត្តិសាស្ត្រ នៅរសៀលថ្ងៃពុធ ២រោច ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៨ ខែតុលា ឆ្នាំ២០២៦ ឯកឧត្តម ហ៊ឺ វីរៈ បានដឹកនាំកិច្ចប្រជុំប្រចាំត្រីមាសទី៣ របស់នាយកដ្ឋានជំរុញចលនាវប្បធម៌ សាសនា និងប្រវត្តិសាស្ត្រ ដែលមានអញ្ជើញចូលរួមពីអនុប្រធាន សមាជិក សមាជិកា សរុបចំនួន ១៧នាក់។ ក្នុងកិច្ចប្រជុំនាឱកាសនោះ ឯកឧត្តម ជាង សិឡាសុមាឫទ្ធិវង្ស ប្រធានការិយាល័យរដ្ឋបាលទូទៅ បានរាយការណ៍អំពីការបូកសរុបរបាយការណ៍សកម្មភាពការងាររបស់នាយកដ្ឋានដែលសម្រេចបានក្នុងរយៈពេលត្រីមាសទី៣ ក្នុងឆ្នាំ២០២៦។ ជាមួយគ្នានេះ ការិយាល័យនីមួយៗ បានចូលរួមរាយការណ៍ពីផែនការសកម្មភាពការងារដែលត្រូវអនុវត្តរបស់ខ្លួនបន្ថែមផងដែរ។ ឯកឧតុ្តម ហ៊ឺ វីរៈ បានថ្លែងអំណរចំពោះអនុប្រធាន សមាជិក សមាជិកា ដែលឆ្លៀតពេលវេលាដ៏មមាញឹកក្នុងអង្គភាពរបស់ខ្លួនចូលរួមកិច្ចប្រជុំនាឱកាសនោះផងដែរ។ ឯកឧត្តមប្រធាននាយកដ្ឋាន ក៏បានបន្តលើកទឹកចិត្តជូនសមាជិកា សមាជិក ក្នុងការចូលរួមការងារក្នុងនាមសមាជិក សមាជិកា នាយកដ្ឋានជំរុញចលនាវប្បធម៌ សាសនា និងប្រវត្តិសាស្ត្រ ដើម្បីសម្រេចបាននូវលទ្ធផលជាផ្លែផ្កាតាមផែនការដែលបានកំណត់៕