波罗勉省正式获批为无烟旅游城市

លេខាធិការដ្ឋាន ស.ស.យ.ក.ខេត្តព្រៃវែង សូមគោរពរាយការណ៍ជូនឯកឧត្ដមប្រធាន ជាទីគោរពដ៏ខ្ពង់ខ្ពស់🙏 នាព្រឹកថ្ងៃចន្ទ ទី១៩ ខែតុលា ឆ្នាំ២០២៦ សមាជិក សមាជិកា ស.ស.យ.ក.ខេត្តព្រៃវែង ចំនួន២០រូប បានចូលរួមកម្មវិធី **សិក្ខាសាលាផ្សព្វផ្សាយស្ដីពី ការប្រកាសទទួលស្គាល់”ក្រុងព្រៃវែងជាទីក្រុងទេសចរណ៍គ្មានផ្សែងបារី”**  នៅសាលប្រជុំសាលាខេត្តព្រៃវែង ក្រោមអធិបតីភាព **ឯកឧត្ដម ហោ សារុន** រដ្ឋលេខាធិការ ក្រសួងទេសចរណ៍ តំណាងដ៏ខ្ពង់ខ្ពស់ ឯកឧត្ដម ហួត ហាក់ រដ្ឋមន្រ្តីក្រសួងទេសចរណ៍ លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល **ឯកឧត្ដម វង្ស សេនវិសុត្យ**  អភិបាលរងខេត្ត និង លោកស្រីបណ្ឌិត អាដា ម៉ូអាដស៊ីរី តំណាងអង្គការសុខភាពពិភពលោក។ ព្រមទាំងមានការអញ្ជើញចូលរួមពី តំណាងអង្គការចលនាដើម្បីសុខភាពកម្ពុជាក្នុងនាមសម្ព័ន្ធត្រួតពិនិត្យថ្នាំជក់អាស៊ីអាគ្នេយ៍ ប្រតិភូក្រសួងទេសចរណ៍ នាយករងរដ្ឋបាលសាលាខេត្ត កងកម្លាំងទាំង៣ មន្ទីរអង្គភាពជុំវិញខេត្ត អភិបាលក្រុង-ស្រុក លោកគ្រូ អ្នកគ្រូ សិស្សានុសិស្ស និងប្រតិបត្តិករទេសចរណ៍ **សរុបចំនួន ៣១៧រូប។** អាស្រ័យដូចបានគោរពរាយការណ៍ជូនខាងលើ សូមឯកឧត្ដមប្រធាន មេត្តាជ្រាបដ៏ខ្ពង់ខ្ពស់! សូមគោរពអរគុណ🙏