三隆县发布洪水预警 沿河居民需防范强降雨

សូមពលរដ្ឋរស់នៅដងស្ទឹង អូរប្រឡាយនានា ក្នុងស្រុកសំឡូត ប្រុងប្រយ័ត្នចំពោះទឹកជំនន់ រដ្ឋបាលស្រុកសំឡូត បានជូនដំណឹងដល់ពលរដ្ឋ រស់នៅតាមដងស្ទឹង អូរប្រឡាយនានា ក្នុងភូមិសាស្ត្រស្រុកសំឡូត ឱ្យបង្កើនការប្រុងប្រយ័ត្នឲ្យបានខ្ពស់ ចំពោះសុវត្ថិភាពមនុស្សចាស់ កុមារ និងទ្រព្យសម្បត្តិ ព្រមទាំងសម្ភារ:ផ្សេងៗ ចំពោះជំនន់ទឹកភ្លៀង ដែលអាចកើតមានឡើង ដ្បិតភ្លៀងនៅបន្តធ្លាក់ឥតដាច់។ «ស្ថានភាពមេឃនៅតែបន្តភ្លៀងធ្លាក់មិនទាន់ឈប់ ហើយទឹកតាមបណ្តាអូរតូចៗចាប់ផ្តើមឡើងខ្លាំង។ ចំណែកទឹកស្ទឹងក្រញូង និងស្ទឹងបរឡាង ទើបតែឡើងតិចតួចនៅឡើយ។»។ នេះបើតាមរដ្ឋបាលស្រុកសំឡូត បញ្ជាក់នៅទំព័រហ្វេសប៊ុកផ្លូវការនៅរសៀលថ្ងៃទី៤ ខែកក្កដានេះ។ រូបភាព៖ រដ្ឋបាលស្រុកសំឡូត