柬埔寨国家就业局(NEA)联合社会福利部及联合国儿童基金会，

NEA និងរដ្ឋបាលសិទ្ធិជនពិការ នាយកដ្ឋានសុខមាលភាពជនពិការនៃក្រសួងសង្គមកិច្ច អតីតយុទ្ធជន និងយុវនីតិសម្បទា សហការគ្នារៀបចំវេទិកាការងារនៅខេត្តកំពង់ចាម! នាថ្ងៃទី៣ ខែមិថុនា ឆ្នាំ២០២៦ នេះទីភ្នាក់ងារជាតិមុខរបរ និងការងារ (NEA) នៃក្រសួងការងារនិងបណ្តុះបណ្តាលវិជ្ជាជីវៈ បានសហការជាមួយ រដ្ឋបាលសិទ្ធិជនពិការ នាយកដ្ឋានសុខមាលភាពជនពិការនៃក្រសួងសង្គមកិច្ច អតីតយុទ្ធជន និងយុវនីតិសម្បទា ក្រោមការគាំទ្រពីមូលនិធិអង្គការ​សហប្រជាជាតិដើម្បីកុមារ (UNICEF) តាមរយៈគម្រោងការងារសមរម្យ​សម្រាប់យុវជនកម្ពុជាដំណាក់កាលទី៣ (DEY III) រៀបចំវេទិកាការងារស្តីពី "បរិយាបន្នការងារ៖ ការផ្តល់ឱកាសការងារ និងការរៀបចំ​ហេដ្ឋារចនាសម្ព័ន្ធបង្កលក្ខណៈ​ងាយស្រួល ដល់ជនមានពិការភាពនៅកម្ពុជា" នៅបរិវេណវិទ្យាស្ថានពហុបច្ចេកទេសខេត្តកំពង់ចាម ខេត្តកំពង់ចាម។ កម្មវិធីនេះមានរួមបញ្ចូល សិក្ខាសាលាបញ្រ្ជាបការយល់ដឹង វេទិកាការងារ និងទស្សនកិច្ចសិក្សា ដែលរៀបចំឡើង​ក្នុងគោលបំណង​បង្កើតឱ្យមានកន្លែងជួបជុំនៅមួយកន្លែងសម្រាប់អ្នកស្វែងរកការងារ ជាពិសេសអ្នកដែលមានពិការភាព ដាក់ពាក្យ និងសម្ភាសការងារ ព្រមទាំងជំរុញ សហគ្រាស ក្រុមហ៊ុន រោងចក្រ ផ្តល់ឱកាសការងារ និងយល់ដឹងបន្ថែមពីការរៀបចំហេដ្ឋារចនាសម្ព័ន្ធដែលបង្កលក្ខណៈងាយស្រួល ដល់កម្មករនិយោជិត​ដែលមានពិការភាព។ ទនឹ្ទមនឹងនេះ នៅក្នុងសិក្ខាសាលាក៏មានរៀបចំវេទិកាជជែកពិភាក្សា ដែលមានការចូលរួមពីវាគ្មិនជំនាញមកពីរដ្ឋបាលសិទ្ធិជនពិការ តំណាងវិទ្យាស្ថានពហុបច្ចេកទេសខេត្តកំពង់ចាម តំណាងរោងចក្រ មេតថេក (ខេមបូឌា) ខប លីមីធីត និងតំណាងអង្គការវេទិកាស្ត្រី និងកុមារពិការផងដែរ។