One More Group与Vital支持新闻部反虚假信息

[来源: 柬埔寨国家电视台] [分类提示: NEWS] 标题: ក្រុមហ៊ុន One More Group និងក្រុមហ៊ុនវីតាល់ ចូលរួមគាំទ្រក្រសួងព័ត៌មាន ក្នុងយុទ្ធនាការប្រយុទ្ធប្រឆាំងព័ត៌មានក្លែងក្លាយ ដើម្បីផ្តល់សន្តិសុខព័ត៌មាន ដល់ពលរដ្ឋ ភ្នំពេញ៖ ក្រុមហ៊ុន វ័នម៉រ គ្រុប ប (One More Group) និងក្រុមហ៊ុនហ៊ុនវីតាល់ បានចូលរួមគាំទ្រក្រសួងព័ត៌មាន នៅក្នុងយុទ្ធនាការប្រយុទ្ធប្រឆាំងព័ត៌មានក្លែងក្លាយទូទាំងប្រទេស ដើម្បីផ្តល់សន្តិសុខព័ត៌មាន ដល់ប្រជាពលរដ្ឋ។ ជាក់ស្តែងនៅរសៀលថ្ងៃទី០១ ខែមិថុនា ឆ្នាំ២០២៦ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានអនុញ្ញាតឱ្យ លោកស្រី ឡាវ ជៀជិន ប្រធានផ្នែកទីផ្សារ នៃក្រុមហ៊ុន វ័ន ម៉រ គ្រុប (One More Group) ចូលជួបសម្តែងការគួរសម ដោយក្នុងឱកាសនោះក្រុមហ៊ុន បានបញ្ជាក់ពីការគាំទ្រ និងសហការជាមួយក្រសួងព័ត៌មាន តាមរយៈការផ្តល់នូវអាវយឺតចំនួន ១ ២០០អាវ ដែលនៅខាងមុខដាក់ពាក្យ និយាយថាទេ ចំពោះព័ត៌មានក្លែងក្លាយ ហើយនៅខាងក្រោយអាវដាក់ពាក្យ យុទ្ធនាការ “និយាយថាទេ ចំពោះព័ត៌មានក្លែងក្លាយ “ ពង្រឹងអក្ខរកម្មព័ត៌មាន និងប្រព័ន្ធផ្សព្វផ្សាយដើម្បីសុវត្ថិភាពព័ត៌មាន ។ ជាមួយនេះ ក្រុមហ៊ុនក៏បានផ្ត់នូវទឹកបរិសុទ្ធ វីតាល់ចំនួន ១០០កេស មកក្រសួងព័ត៌មានផងដែរ។ ឯកឧត្តមរដ្ឋមន្ត្រី នេត្រ ភក្ត្រា បានថ្លែងអំណរគុណចំពោះទឹកចិត្តដ៏ប្រពៃថ្លៃថ្លានេះ បានបង្ហាញពីមនោសញ្ចេតនា សេចក្តីរាប់អានយ៉ាងជ្រាលជ្រៅ និងការចូលរួមចំណែកយកចិត្តទុកដាក់របស់ក្រុមហ៊ុន វីន ម៉រ គ្រុប ចំពោះការងារសង្គម ជាពិសេសការគាំទ្រក្នុងយុទ្ធនាការ «និយាយថាទេ ចំពោះព័ត៌មានក្លែងក្លាយ» ជំហានទី២ ដែលរៀបចំឡើងដោយក្រសួងព័ត៌មាន ឱ្យប្រព្រឹត្តទៅដោយរលូន និងផុលផុស។ ឯកឧត្តម នេត្រ ភក្ត្រា បានលើកឡើងថា ក្រុមហ៊ុន វ័នម៉រ គ្រុប និងក្រុមហ៊ុនហ៊ុនវីតាល់ តែងតែធ្វើសកម្មភាពមនុស្សធម៌ជាច្រើននៅកម្ពុជា ហើយនៅពេលនេះក្រុមហ៊ុនបានផ្តល់នូវអាវ ព្រមទាំងការគាំទ្រមួយចំនួនទៀត