洪玛尼慰问实居省5户逝者家属 落实社会保障金政策

ខេត្តកំពង់ស្ពឺ៖ នៅវេលារសៀលថ្ងៃពុធ ៥រោច ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី៦ ខែមេសា ឆ្នាំ២០២៦ ផ្នែកនិវត្ដជននៃក្រុមការងារសិក្សាស្រាវជ្រាវនិងចិញ្ចឹមចលនា នៃក្រុមការងារសិក្សាស្រាវជ្រាវ និងចិញ្ចឹមចលនា ខេត្តកំពង់ស្ពឺបានដឹកនាំក្ដោយលោកជំទាវ ដាំ ដារិនី បាននាំយកសាររំលែកនូវមរណទុក្ខ និងបច្ច័យរបស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងារចុះមូលដ្ឋានខេត្តកំពង់ស្ពឺ ជូនក្រុមគ្រួសារសព ចំនួន ៥គ្រួសារ មានដូចខាងក្រោម៖ ក.ក្រុងច្បារមន ១.ឧបាសក អ៊ុក សុផល អតីតស្នងការរងខេត្ដកំពង់ស្ពឺ និងជាសមាជិកក្រុមប្រឹក្សាស្រុកសាមគ្គីមុនីជ័យ បានទទួលមរណភាពក្នុងជន្មាយុ ៧១ឆ្នាំ ដោយរោគាពាធ គេហដ្ឋានសពស្ថិតក្នុង ភូមិចំការដូង សង្កាត់ច្បារមន ក្រុងច្បារមន ខេត្ដកំពង់ស្ពឺ ២.ឯកឧត្ដម ប៉ែន ភឿន អតីតក្រុមប្រឹក្សាខេត្ដកំពង់ស្ពឺ និងជាទីប្រឹក្សាក្រសួងមុខងារសាធារណៈ (អតីតអនុប្រធានមន្ទីរទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ចខេត្ដកំពង់ស្ពឺ) បានទទួលមរណភាពក្នុងជន្មាយុ ៨៤ឆ្នាំ ដោយរោគាពាធ គេហដ្ឋានសពស្ថិតក្នុង ភូមិបុរីកម្មករ សង្កាត់រកាធំ ក្រុងច្បារមន ខេត្ដកំពង់ស្ពឺ។ ខ.ស្រុកគងពិសី ១.ឧបាសិកា អ៊ឹម សេង អតីតគ្រូបង្រៀននៅសាលាបឋមសិក្សាអង្គភែក នៃស្រុកគងពិសី បានទទួលមរណភាពក្នុងជន្មាយុ ៧០ឆ្នាំ ដោយរោគាពាធ គេហដ្ឋានសពស្ថិតក្នុង ភូមិត្រពាំងត្រាច ឃុំស្រង់ ស្រុកគងពិសី ខេត្ដកំពង់ស្ពឺ ២.ឧបាសក ម៉ៅ ស៊ីរ៉ាន់ អតីតគ្រូបង្រៀននៅសាលាបឋមសិក្សាអង្គភែក នៃស្រុកគងពិសី បានទទួលមរណភាពក្នុងជន្មាយុ ៦៦ឆ្នាំ ដោយរោគាពាធ គេហដ្ឋានសពស្ថិតក្នុង ភូមិស្រង់ ឃុំស្រង់ ស្រុកគងពិសី ខេត្ដកំពង់ស្ពឺ ៣.ឧបាសក អ៊ឹម សាផុម អតីតគ្រូបង្រៀននៅសាលាបឋមសិក្សាត្រពាំងក្រពើ នៃស្រុកគងពិសី បានទទួលមរណភាពក្នុងជន្មាយុ ៦៧ឆ្នាំ ដោយរោគាពាធ គេហដ្ឋានសពស្ថិតក្នុង ភូមិបឹងកក់ ឃុំព្រះនិព្វាន្ដ ស្រុកគងពិសី ខេត្ដកំពង់ស្ពឺ។ ក្នុងឱកាសដ៏សែនក្រៀមក្រំនោះ ក្រុមការងារបានពាំនាំនូវការចូលរួមរំលែកនូវមរណទុក្ខរបស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសារធារណៈ និងជាប្រធានក្រុមការងារចុះមូលដ្ឋានខេត្តកំពង់ស្ពឺ ជូនចំពោះក្រុមគ្រួសារសព និងបានជម្រាបជូនគ្រួសារសព អំពីរបបគោលនយោបាយសន្តិសុខសង្គមរបស់រាជរដ្ឋាភិបាលជូនសពចុងក្រោយចំនួន១២ខែ នៃប្រាក់សោធនចុងក្រោយរបស់សព និងការបន្តផ្តល់ប្រាក់ឧបត្ថម្ភភរិយាសពចំនួន ៣០ ០០០រៀល/ខែ ដោយថវិកានេះបើក១ឆ្នាំម្តង ដោយមូលនិធិជាតិជំនួយសង្គម ផងដែរ។