磅湛省青年联合会举办6·20纪念活动 慰问50户残疾家庭

ស**.**ស**.**យ**.**ក**. **ខេត្តកំពង់ចាម** **សូមគោរពជូនសកម្មភាពប្រចាំថ្ងៃទី១៩-២០** **ខែមិថុនា ឆ្នាំ២០២៦ ដូចខាងក្រោម៖ 👉ឯកឧត្តម អ៊ុន ចាន់ដា សមាជិកអចិន្ត្រៃយ៍ ស.ស.យ.ក. ថ្នាក់កណ្តាល ទទួលបន្ទុកខេត្តកំពង់ចាម អញ្ជើញដើរថ្មើរជើងចម្ងាយ10Km ដើម្បីចូលរួមអបអរសាទរ ខួបលើកទី៤៩ ទិវានៃការចងចាំដំណើរឆ្ពោះទៅការផ្ដួលរំលំរបបប្រល័យពូជសាសន៍ ប៉ុល ពត “២០ មិថុនា ១៩៧៧-២០ មិថុនា ២០២៦” នៅតំបន់ប្រវត្តិសាស្រ្តតេជោ-កោថ្មX16។ 👉ឯកឧត្តម ផេន សុផល ប្រធាន ស.ស.យ.ក.ខេត្តកំពង់ចាម បានដឹកនាំយុវជន ស.ស.យ.ក. ចូលរួមអមដំណើរ ឯកឧត្តម អ៊ុន ចាន់ដា សមាជិកអចិន្ត្រៃយ៍គណៈកម្មាធិការកណ្តាល ស.ស.យ.ក. ទទួលបន្ទុកខេត្តកំពង់ចាម ចូលរួមកម្មវិធីអបអរសាទរខួបលើកទី ៤៩ ទិវានៃការចងចាំដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត នៅភូមិកោះថ្ម ឃុំទន្លូង ស្រុកមេមត់ ខេត្តត្បូងឃ្មុំ។ 👉ក្លឹបសិក្សា «មនសិការពលរដ្ឋល្អ» ខេត្តកំពង់ចាម កំពុងអនុវត្តគម្រោង «កម្ពុជាក្នុងបេះដូងខ្ញុំ» យ៉ាងសស្រាក់សស្រាំប្រកបដោយស្មារតីទទួលខុសត្រូវខ្ពស់ នៅតាមគោលដៅដែលខ្លួនបានគ្រោងទុក។ 👉 ស.ស.យ.ក. ឃុំកំពង់រាបបានចូលរួមអមដំណើរលោក លឿង រ៉ាម៉ូ អភិបាលរងស្រុក និងជាអនុប្រធានកិត្តិយស ស.ស.យ.ក. ស្រុកកោះសូទិន ក្នុងពិធីសំណេះសំណាល និងឧបត្ថម្ភគ្រឿងបរិភោគជូនដល់ជនមានពិការភាពចំនួន ៥០គ្រួសារ (ថវិកាសេវាសង្គមប្រចាំឆ្នាំ២០២៦) នៅសាលាឃុំកំពង់រាប ។ សរុបថវិកា៥,០០០,០០០រៀល។ 👉លោក ច្រិច ឆេងលាង ស.ស.យ.ក. ឃុំបុសខ្នុរ ស្រុកចំការលើ បានចូលរួមជួយសម្អាតសំរាមនៅមុខផ្សារបុសខ្នុរ ។