唐坤为磅通省48名学生颁发计算机证书 强调AI应用

[来源: 柬埔寨国家电视台] [分类提示: NEWS] 标题: ឯកឧត្តមបណ្ឌិត ថោង ខុន ប្រគល់វិញ្ញាបនបត្រកំព្យូទ័រថ្នាក់បឋម ដល់សិស្សានុសិស្សចំនួន ៤៨នាក់ នៅក្នុងស្រុកតាំងគោក និងស្រុកបារាយណ៍ នៃខេត្តកំពង់ធំ ឯកឧត្តមបណ្ឌិត ថោង ខុន ទេសរដ្ឋមន្រ្តីទទួលបន្ទុកបេសកកម្មពិសេស សមាជិកគណៈកម្មាធិការ កណ្តាល អនុប្រធានទី១ នាព្រឹកថ្ងៃទី៣ ខែសីហា ឆ្នាំ២០២៦នេះ បានអញ្ជើញជាអធិបតីប្រគល់វិញ្ញាបនបត្រកំព្យូទ័រថ្នាក់បឋមដល់សិស្សានុសិស្សនៅមូលដ្ឋានក្នុងស្រុកតាំងគោក និងស្រុកបារាយណ៍ ខេត្តកំពង់ធំ ចំនួន ៤៨នាក់ ដោយមានការចូលរួមពីក្រុមការងារចុះមូលដ្ឋានស្រុកតាំងគោក លោក ហាក់ ម៉ុងហួត អភិបាលស្រុកតាំងគោក, លោក ឃន ចាន់ថៃ អភិបាលស្រុកបារាយណ៍ លោកប្រធានការិយាល័យអប់រំស្រុកតាំងគោក និងស្រុកបារាយណ៍ និងសិក្ខាកាមជាច្រើននាក់ទៀត។ នាឱកាសនោះលោក ហុង សុខអឿន ប្រធានគ្រប់គ្រងសាលាបណ្តុះបណ្តាលវិជ្ជាជីវៈ ព័ត៌មានវិទ្យានៃស្រុកបារាយណ៍ បានរាយការណ៍ពីដំណើរការវគ្គសិក្សាកុំព្យូទ័រ ដែលបានចាប់ផ្តើមបើកវគ្គដំបូងនៅឆ្នាំ២០០៩ និងរហូតដល់បានសាងសង់អគារសិក្សា ១ខ្នង ០២ជាន់ កាលពីឆ្នាំ២០១៨ ដោយថវិការបស់សប្បុរសជនជាជនជាតិបារាំង លោក Édouard George ប្រធានក្រុមហ៊ុន Phoenix Voyages។ គិតមកដល់ឆ្នាំ២០២៦នេះ សាលាបណ្តុះបណ្តាលវិជ្ជាជីវៈព័ត៌មាន និងទេសចរណ៍នេះ បានបណ្តុះបណ្តាលជំនាញកុំព្យូទ័របឋមបានចំនួន ៤២វគ្គ សរុបសិស្ស ១៦៥៩នាក់។ នាឱកាសឯកឧត្តមបណ្ឌិត ថោង ខុន បានកោតសរសើរ និងវាយតម្លៃខ្ពស់ចំពោះលោកគ្រូ ហុង សុខអឿន ដែលបានបង្ហាត់បង្រៀនវគ្គកុំព្យូទ័រកម្រិតបឋម ដោយបន្ថែមកម្មវិធីអក្ខរកម្មឌីជីថល (Digital Literacy) ដល់សិស្សានុសិស្សនាពេលនេះ ដោយលោកបានបញ្ជាក់ថា វគ្គសិក្សាកុំព្យូទ័រនេះដើម្បីបង្កើនសមត្ថភាពផ្នែកកុំព្យូទ័រ និងការសិក្សាស្រាវជ្រាវឯកសារផ្សេងៗរួមទាំងការប្រើប្រាស់បញ្ញាសិប្បនិម្មិត (AI) ផងដែរ។  ស្របជាមួយនោះឯកឧត្តមបណ្ឌិត ក៏បានលើកឡើងឱ្យសិស្សានុសិស្សទាំង