伊朗宣布全面封锁霍尔木兹海峡 全球油价恐面临剧震

ទីស្នាក់ការកណ្តាលយោធាអ៊ីរ៉ង់ បានប្រកាសបិទ ច្រកសមុទ្រហ័រមូស ទាំងស្រុងចំពោះគ្រប់នាវាទាំងអស់ រួមទាំងនាវាដឹកប្រេង និងនាវាពាណិជ្ជកម្ម ដោយព្រមានវាយប្រហារភ្លាមៗលើនាវាណាដែលហ៊ានបើកបរឆ្លងកាត់។ ចំណាត់ការដ៏ក្តៅគគុកនេះ ធ្វើឡើងបន្ទាប់ពីប្រធានាធិបតីអាម៉េរិក លោក ដូណាល់ ត្រាំ បានព្រមានថា អ៊ីរ៉ង់អូសបន្លាយពេលចរចាយូរពេក ហើយអាចនឹងត្រូវប្រឈមមុខនឹងការវាយប្រហារតាមផ្លូវអាកាសជាថ្មី។ ជាការឆ្លើយតប កងឆ្មាំបដិវត្តន៍អ៊ីរ៉ង់ (IRGC) បានប្ដេជ្ញាវាយបកវិញយ៉ាងចាស់ដៃ និងបានចោទប្រកាន់អាម៉េរិកថា បានរំលោភលើកិច្ចព្រមព្រៀងបទឈប់បាញ់ជាបន្តបន្ទាប់។ ការសម្រេចចិត្តបិទផ្លូវទឹកយុទ្ធសាស្ត្រនេះ កំពុងរុញច្រានស្ថិរភាពនៅតំបន់មជ្ឈិមបូព៌ា និងសន្តិសុខនាវាចរណ៍សកលឱ្យធ្លាក់ចូលក្នុងហានិភ័យខ្ពស់ ព្រមទាំងអាចនឹងធ្វើឱ្យតម្លៃប្រេងពិភពលោកហក់ឡើងថ្លៃខ្លាំងក្នុងពេលឆាប់ៗខាងមុខនេះ។