白马市旅游概况与国家公园介绍

យោងតាមសៀវភៅ តំបន់ទេសចរណ៍ នៃព្រះរាជាណាចក្រកម្ពុជា បញ្ជាក់ថា ក្រុងកែបជាទីក្រុងទេសចរណ៍ឆ្នេរសមុទ្រ មានទីតាំងស្ថិតនៅភាគនិរតីនៃរាជធានីភ្នំពេញ ចម្ងាយប្រមាណជាង ១៦០ គីឡូម៉ែត្រ កសាងឡើងក្នុងអំឡុងឆ្នាំ១៩០៨ ក្នុងសម័យអាណានិគមបារាំង។ ទីក្រុងនេះបានកែលម្អឱ្យក្លាយជាទីក្រុងទេសចរណ៍ឆ្នេរសមុទ្រដ៏ប្រណិតមួយក្នុងទសវត្សរ៍៦០ នា សម័យរាជរដ្ឋាភិបាលសង្គមរាស្ត្រនិយម។ ឯឈ្មោះទីក្រុងកែបនេះ គឺក្លាយមកពីពាក្យបារាំង Le Cap ប្រែមកជាពាក្យខ្មែរគឺ “ជ្រោយ” មានន័យថាដីដុះលយទៅសមុទ្រ។ ដោយឡែក « ឧទ្យានជាតិកែប » ដែលស្ថិតនៅចំកណ្តាលទីក្រុងកែបវិញ ត្រូវបានបង្កើតឡើងតាមព្រះរាជក្រឹត្យ ចុះថ្ងៃទី០១ ខែវិច្ឆិកា ឆ្នាំ១៩៩៣ ឡាយព្រះហស្តលេខាដោយ ព្រះបាទ នរោត្តមសីហនុ ស្ថិតនៅចំកណ្តាលទីក្រុងកែប មានផ្ទៃដីទំហំ ៥០០០ ហិកតា។ នេះបើយោងតាមសៀវភៅ កម្ពុជាមាតុភូមិខ្ញុំ ។ ថ្វីត្បិតមានផ្ទៃដីតូចក៏ពិតមែន ប៉ុន្តែ “ឧទ្យានជាតិកែប” ក៏មានសក្តានុពលខ្ពស់សម្រាប់ការអភិវឌ្ឍជីវៈចម្រុះផងដែរ ដោយទីនេះមានគ្របដណ្តប់ដោយព្រៃឈើធម្មជាតិចម្រុះប្រភេទ រួមទាំងវត្តមាននៃពពួកសត្វស្លាប ថនិកសត្វ ល្មូន និងពពួកឧរង្គសត្វផងដែរ។ [📲 Telegram](https://t.me/kptnews) | [YouTube](https://www.youtube.com/@tvkampucheathmey) | [X (Twitter](https://x.com/KPT_Daily))