金边甘布区蒙达尼小区发生火灾 电路短路致别墅受损

ឆ្លងចរន្តអគ្គិសនីឆាបឆេះផ្ទះមួយកន្លែងនៅខណ្ឌកំបូល ភ្នំពេញ ៖ អគ្គិភ័យឆាបឆេះផ្ទះវិឡាមួយកន្លែង បង្កឱ្យភ្ញាក់ផ្អើល ដោយសារឆ្លងចរន្តអគ្គិសនី កាលពីវេលាម៉ោង១២រំលងអធ្រាត្រចូលថ្ងៃទី១១ ខែកញ្ញា ឆ្នាំ២០២៦ ស្ថិតក្នុងបុរី មន ដានី គម្រោងទី១០ ផ្ទះលេខ A១៧០ ផ្លូវលេខ២០ ភូមិតាអិន សង្កាត់ស្នោរ ខណ្ឌកំបូល រាជធានីភ្នំពេញ ។ តាមសមត្ថកិច្ចផ្ទះដែលទទួលរងអគ្គិភ័យឆាបឆេះ ជាផ្ទះវិឡាកូនកាត់ ទំហំ១០ម៉ែត្រx១១ម៉ែត្រ រងខូចខាតផ្នែកខាងក្នុង និងសម្ភារក្នុងផ្ទះអស់មួយចំនួនធំ ។ ហេតុការណ៍កើតឡើងភ្លាមៗ កម្លាំងសមត្ថកិច្ច រថយន្តពន្លត់អគ្គិភ័យចំនួន៤គ្រឿងចេញទៅជួយអន្តរាគមន៍ ពន្លត់ភ្លើង និងការពាឆេះរាលទៅផ្ទះផ្សេង ៕