旅游部长胡哈于9月16日主持表彰会，鼓励磅通省巴莱县在8月1

[English Below] ពិធីជួបសំណេះសំណាល និងអបអរសាទរសិស្សានុសិស្សជ័យលាភីប្រឡងជាប់សញ្ញាបត្រមធ្យមសិក្សាទុតិយភូមិ នាសម័យប្រឡងថ្ងៃទី១០ ខែសីហា ឆ្នាំ២០២៦ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកបារាយណ៍ ខេត្តកំពង់ធំ បានអញ្ជើញជាអធិបតីក្នុងពិធីសំណេះសំណាល និងអបអរសាទរសិស្សានុសិស្សជ័យលាភីប្រឡងជាប់សញ្ញាបត្រមធ្យមសិក្សាទុតិយភូមិ ដែលក្នុងនោះមានសិស្សនិទ្ទេស A ចំនួន ១៤នាក់ នៅក្នុងមូលដ្ឋានស្រុកបារាយណ៍ នាសម័យប្រឡងថ្ងៃទី១០ ខែសីហា ឆ្នាំ២០២៦។ ក្នុងពិធីសំណេះសំណាលនារសៀលនេះ មានការអញ្ជើញចូលរួមពីឯកឧត្តម លោកជំទាវ ­រដ្ឋលេខាធិការនៃក្រសួងទេសចរណ៍ និងជាអនុប្រធានក្រុមការងាររាជរដ្ឋាភិបាលចុះមូលដ្ឋានស្រុក, ឯកឧត្ដម ងួន រាសី អភិបាលរង តំណាងឯកឧត្តមអភិបាលនៃគណៈអភិបាលខេត្តកំពង់ធំ, ­លោក អួង សារឿន ប្រធានក្រុមប្រឹក្សាស្រុកបារាយណ៍, ­លោកឃន ចាន់ថៃ អភិបាលស្រុកបារាយណ៍ និង­ឯកឧត្តម លោកជំទាវ ប្រធានក្រុមការងាររាជរដ្ឋាភិបាលចុះមូលដ្ឋាន ឃុំទាំង១0 និងប្រធានលេខាធិការដ្ឋាន ព្រមទាំងលោក លោកស្រី លោកគ្រូ អ្នកគ្រូ អាណាព្យាបាល និងប្អូនៗសិស្សានុសិស្សទាំងអស់ប្រមាណ ១០០នាក់។ ថ្លែងក្នុងពិធីនេះ ឯកឧត្តមប្រធានក្រុមការងារ ក៏បានសម្តែងការចូលរួមអបអរសាទរ ជាមួយប្អូនៗសិស្សានុសិស្សទាំងអស់ដែលបានជាប់ជ័យលាភីក្នុងការប្រឡងបាក់ឌុប ឆ្នាំ២០២៦នេះ ជាពិសេសប្អូនៗដែលជាប់និទ្ទេស A ព្រមទាំងក្រុមគ្រួសារ អាណាព្យាបាលទាំងអស់ផងដែរ។ ទន្ទឹមនេះ ឯកឧត្តម ក៏បានគូសរំលេចថា ការប្រឡងជាប់បាក់ឌុបនេះ អាចចាត់ទុកថា នេះជាជោគជ័យនៅដំណាក់កាលដំបូង និងសូមប្អូនៗ បន្តខិតខំរៀនពង្រឹងសមត្ថភាព ចំណេះដឹង ជំនាញ និងអភិវឌ្ឍខ្លួន ដើម្បីចូលរួមចំណែកអភិវឌ្ឍសង្គមជាតិ និងគ្រួសារ (ដើម្បីក្លាយជាមូលធនមនុស្ស)។ ជាមួយគ្នានេះ ឯកឧត្តមប្រធានក្រុមការងារ ក៏បានផ្តល់អនុសាសន៍ផ្តាំផ្ញើដល់ប្អូនៗ­សិស្សានុសិស្សទាំងអស់ ត្រូវបន្តខិតខំរៀនសូត្រឱ្យពូកែ ដើម្បីក្លាយជាទំពាំងស្នងឬស្សី និងត្រៀមខ្លួនឱ្យបានរួចរាល់ ដើម្បីក្លាយជាអ្នកបន្តវេន និងធនធានមនុស្សប្រកបដោយចំណេះដឹង និងជំនាញពិតប្រាកដ ជាពិសេស គួរជ្រើសរើសមុខវិជ្ជាណា ឱ្យបានសាកសមទៅនឹងចំណេះដឹង ចំណង់ចំណូលចិត្ត និងភាពប៉ិនប្រសប់របស់ខ្លួនឯង ព្រមទាំងត្រូវពង្រឹងចំណេះដឹងខាងផ្នែកភាសានិងបច្ចេកវិទ្យា ត្រូវថែរក្សាសុខភាពអនាម័យឱ្យបានល្អប្រសើរ មានសីលធម៌រស់នៅត្រឹមត្រូវ និងដាច់ខាតត្រូវចៀសឆ្ងាយពីគ្រឿងញៀន។ សូមជម្រាបជូនថា ­រង្វាន់លើកទឹកចិត្ត ដល់សិស្សនិទ្ទេស A ទាំង ១៤នាក់ រួមមាន៖ កុំព្យូទ័រយួរដៃ ម្នាក់ ១គ្រឿង និងថវិកា ៤០ម៉ឺនរៀល ជាពិសេស សម្រាប់ប្អូនៗដែលជាប់និទ្ទេស A ទាំងអស់ ជារៀងរាល់ឆ្នាំ គឺនឹងមានសំណាងបានជួបសំណេះសំណាល និងការទទួលបានការលើកទឹកចិត្តដោយផ្ទាល់ពី សម្ដចមហាបវធិបតី នាយករដ្ឋមន្ត្រី និងលោកជំទាវបណ្ឌិត ផងដែរ។ សាលាស្រុកបារាយណ៍ រសៀលថ្ងៃទី១៦ ខែកញ្ញា ឆ្នាំ២០២៦