柬埔寨外交部重申基于国际法解决边境争端

កម្ពុជាមិនយល់ព្រមដាច់ខាតចំពោះការផ្លាស់ប្តូរព្រំដែនដោយកម្លាំងយោធា ឬការបង្កើតការពិតថ្មីដោយឯកតោភាគីឡើយ ហើយកម្ពុជាប្រកាន់ខ្ជាប់នូវផែនទីមាត្រដ្ឋាន ១៖២០០ ០០០ ដែលរៀបចំឡើងដោយគណៈកម្មការកំណត់ព្រំដែនរវាងឥណ្ឌូចិន និងសៀម។ ប្រមុខការទូតកម្ពុជា លោក ប្រាក់ សុខុន បានលើកឡើងថា សន្ធិសញ្ញា និងផែនទីពាក់ព័ន្ធ ត្រូវបានតុលាការយុត្តិធម៌អន្តរជាតិ (ICJ) យកមកប្រើប្រាស់ក្នុងសាលក្រមឆ្នាំ១៩៦២ និងឆ្នាំ២០១៣ ពាក់ព័ន្ធនឹងសំណុំរឿងប្រាសាទព្រះវិហារ។ ដូច្នេះ ការដោះស្រាយព្រំដែនត្រូវផ្អែកលើឯកសារគតិយុត្តិ និងយន្តការដែលប្រទេសទាំងពីរបានព្រមព្រៀងគ្នា។ លោកបានបញ្ជាក់ថា ព្រំដែនគោក និងព្រំដែនសមុទ្រ គឺជាបញ្ហាផ្សេងគ្នា និងស្ថិតក្រោមក្របខណ្ឌច្បាប់ផ្សេងគ្នា ដូច្នេះ បញ្ហាទាំងពីរគួរតែបន្តដំណើរការដោយឡែក តាមយន្តការដែលបានព្រមព្រៀង និងស្របតាមច្បាប់អន្តរជាតិ។ លោក សង្កត់ធ្ងន់ថា បញ្ហាព្រំដែនមិនមែនគ្រាន់តែជាបញ្ហាច្បាប់អន្តរជាតិទេ ប៉ុន្តែពាក់ព័ន្ធដោយផ្ទាល់នឹងផ្ទះសម្បែង ជីវភាព ការអប់រំ និងអនាគតរបស់ប្រជាពលរដ្ឋដែលរងផលប៉ះពាល់។ រាជរដ្ឋាភិបាលកម្ពុជា កំពុងបន្តជួយសាងសង់ជម្រក និងលំនៅដ្ឋានបណ្តោះអាសន្ន ព្រមទាំងផ្តល់សម្ភារៈ និងតម្រូវការចាំបាច់ដល់គ្រួសារទាំងនេះ។ [**Join AMS One-minute**](https://t.me/ams1minute)