西哈莫尼国王与莫尼列太后结束在华医疗今日回国

📷 ព្រះមហាក្សត្រ និងសម្ដេចម៉ែ យាងដល់កម្ពុជាដោយសុវត្ថិភាព ក្រោយប្រពាសមាតុប្រទេស១២៧ថ្ងៃ ដើម្បីពិនិត្យ ព្យាបាលព្រះរោគ ព្រះមហាក្សត្រកម្ពុជា ព្រះករុណា ព្រះបាទ សម្ដេចព្រះបរមនាថ នរោត្ដម សីហមុនី ព្រមទាំង សម្តេចព្រះមហាក្សត្រី នរោត្តម មុនិនាថ សីហនុ នារសៀលថ្ងៃទី៣ ខែកក្កដា ឆ្នាំ២០២៦ នេះ បានយាងនិវត្តន៍មកដល់មាតុប្រទេសវិញប្រកបដោយសុខសុវត្ថិភាព បន្ទាប់ពីបានចំណាយពេលវេលាអស់រយៈពេល១២៧ថ្ងៃ គង់ប្រថាប់ក្នុងព្រះរាជដំណាក់នៅទីក្រុងប៉េកាំង ប្រទេសចិន ដើម្បីពិនិត្យ និងព្យាបាលព្រះរាជសុខភាព។ គួររម្លឹកថា ព្រះមហាក្សត្រ ព្រមទាំងសម្ដេចម៉ែ បានយាងចាកចេញពីមាតុប្រទេសទៅកាន់ប្រទេសចិន កាលពីថ្ងៃទី២៧ ខែកុម្ភៈ បន្ទាប់មកបានគង់ប្រថាប់ក្នុងព្រះរាជដំណាក់ និងនៅក្នុងខែមេសា ព្រះមហាក្សត្រកម្ពុជា ព្រះអង្គទទួលការព្យាបាលព្រះរោគមហារីកក្រពេញប្រូស្តាតដោយការវះកាត់។ ជានិច្ចកាល ព្រះអង្គទាំងទ្វេ តែងយាង ទៅពិនិត្យព្រះរាជសុខភាព នៅប្រទេសចិន រៀងរាល់៦ខែម្តង តាមការយាងពីក្រុមគ្រូពេទ្យចិន។