柬埔寨青年联合会磅湛省分会开展多项社会公益活动

ស**.**ស**.**យ**.**ក**. **ខេត្តកំពង់ចាម** **សូមគោរពជូនសកម្មភាពប្រចាំថ្ងៃទី**៩-១០ **ខែកក្កដា ឆ្នាំ២០២៦ ដូចខាងក្រោម៖ 👉ឯកឧត្តម អ៊ុន ចាន់ដា សមាជិកអចិន្ត្រៃយ៍ គណៈកម្មាធិការកណ្តាល ស.ស.យ.ក. ទទួលបន្ទុកខេត្តកំពង់ចាម និងឯកឧត្តម ផេន សុផល ប្រធាន ស.ស.យ.ក. ខេត្តកំពង់ចាម បានអញ្ជើញចូលរួមពិធីប្រកាសទទួលស្គាល់ប្រធានកិត្តិយស និងប្រធានគណៈកម្មាធិការ សហភាពសហព័ន្ធយុវជនកម្ពុជា ខេត្តកំពង់ឆ្នាំង ក្រោមអធិបតីភាពដ៏ខ្ពង់ខ្ពស់ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា។ 👉 លោក អ៊ឹង ទី អនុប្រធាន ស.ស.យ.ក. ខេត្តកំពង់ចាម និងជាអនុប្រធានគម្រោង «មនសិការពលរដ្ឋល្អ» ខេត្តកំពង់ចាម បានដឹកនាំក្រុមការងារចុះវាយតម្លៃជ្រើសរើសគម្រោង «កម្ពុជាក្នុងបេះដូងខ្ញុំ» ប្រចាំវិទ្យាល័យ ប៊ុន រ៉ានី ហ៊ុន សែន ស្ពឺ ដើម្បីត្រៀមចូលរួមវគ្គជម្រុះថ្នាក់ខេត្តបន្តទៀត។ 👉 ស.ស.យ.ក. វិស័យពន្ធដារ បានចុះសួរសុខទុក្ខ  លោកស្រី ស៊ា** **សុខខា** **ជាសមាជិកសសយក នៃសាខាពន្ធដារខេត្តកំពង់ចាម ដែលបានសម្រាលមាតុភាពបានកូនប្រុស១ ទំងន់ ៣.៣kg នៅមន្ទីរពេទ្យ ខេត្តកំពង់ចាម ដោយបានឧបត្ថម្ភជាសម្ភារនិងថវិកាមួយចំនួន។ 👉ស.ស.យ.ក. ឃុំកោះសូទិន បានទទួលខោអាវកីឡាចំនួន៣០កំប្លេ និងស្រោមជើង៣០គូរ តាមរយ: លោក ដន ភក្ដី សមាជិកក្រុមការងារថ្នាក់ជាតិចុះជួយឃុំកោះសូទិន តំណាងដ៍ខ្ពង់ខ្ពស់របស់ឯកឧត្តម ហែម សុវត្ថិ ប្រធានក្រុមការងារថ្នាក់ជាតិចុះជួយមូលដ្ឋានឃុំកោះសូទិន ដើម្បីឧបត្ថម្ភដល់ក្រុមកីឡាករយុវជន ស.ស.យ.ក ឃុំកោះសូទិនដែលត្រូវចូលរួមប្រកួតកីឡាបាល់ទាត់ដណ្តើមពានរង្វាន់ឯកឧត្តម អ៊ុន ចាន់ដា អភិបាលខេត្តកំពង់ចាម ឆ្នាំ២០២៦ ដែលប្រព្រឹត្តិទៅចាប់ពីថ្ងៃទី១០ដល់ថ្ងៃទី១៧ ខែកក្កដា ឆ្នាំ២០២៦នៅសាលាវិទ្យាល័យសម្តេចជួនណាត ស្រុកកំពង់សៀម ខេត្តកំពង់ចាម ។ 👉ស.ស.យ.ក. ឃុំកំពង់រាបបានចូលរួមជាមួយអាជ្ញាធរឃុំ ភូមិ នាយប៉ុស្តិ៍លោកគ្រូ អ្នកគ្រូ សិស្សានុសិស្ស ធ្វើពលកម្មសំអាតបរិស្ថាន និងដាំកូនឈើតាមផ្លូវសាធារណ:ភូមិកំពង់រាបលើ ឃុំកំពង់រាប ស្រុកកោះសូទិន ខេត្តកំពង់ចាម ។ 👉ស.ស.យ.ក. ឃុំថ្មពូន បានចូលរួម សម្របសម្រួលដល់ប្រជាពលរដ្ឋចូលរួមវេទិកាសាធារណៈនៅវត្តព្រះលានថ្មពូនរបស់ក្រុមការងាររាជរដ្ឋាភិបាលចុះមូលដ្ឋានឃុំថ្មពូន ស្រុកព្រៃឈរ ខេត្តកំពង់ចាម ដើម្បីត្រួតពិនិត្យគាំទ្រ និងជំរុញការអនុវត្តកម្មវិធីនយោបាយ និងយុទ្ធសាស្រ្តបញ្ចកោណដំណាក់កាលទី១ និងកំណែទម្រង់នានារបស់រាជរដ្ឋាភិបាលកម្ពុជា និងការលើកកម្ពស់អភិវឌ្ឍន៍នៅមូលដ្ឋានដោយមានការចូលរួមពីប្រជាពលរដ្ឋ។ក្រោមអធិបតីភាពដ៏ខ្ពង់ខ្ពស់ពីឯកឧត្តមឡាយ សុខសៅគន្ធា ប្រធានអគ្គនាយកដ្ឋានហិរញ្ញវត្ថុក្រសួងពាណិជ្ជកម្មនិងជាប្រធានក្រុមការងាររាជរដ្ឋាភិបាល និងសហការី ចុះជួយឃុំថ្មពូនស្រុកព្រៃឈរ ខេត្តកំពង់ចាម ដែលមានអ្នកចូលរួមសរុប ១៤៦នាក់,ស្រី ៨៣នាក់។ 👉ស.ស.យ.ក.ឃុំគរ បានចូលរួមជាមួយអាជ្ញាធរឃុំប៉ុស្តិ៍ភូមិនាំយកប្រាក់និងគ្រឿងបរិភោគ និងប្រាក់សរុបទាំងអស់ស្មើនឹង ២២០.០០០៛ ឧបត្ថម្ភលោកយាយចាន់ លាងអាយុ ៩៤ឆ្នាំមានជីវភាពខ្វះខាតនៅភូមិតាម៉ូត ឃុំគរ ស្រុកព្រៃឈរ ខេត្តកំពង់ចាម។ 👉លោក ច្រិច ឆេងលាង ស.ស.យ.ក. ឃុំបុសខ្នុរ ស្រុកចំការលើ បានចូលរួមជួយសម្អាតសំរាមនៅមុខផ្សារបុសខ្នុរ ។