公务部向坤塔帕花基金会捐赠3000万瑞尔 支持公共医疗

តំណាងក្រសួងមុខងារសាធារណៈ ប្រគល់ថវិកា ៣០,០០០,០០០រៀល ជូនមូលនិធិគន្ធបុប្ផាកម្ពុជា នារសៀលថ្ងៃទី៦ ខែកក្កដា ឆ្នាំ២០២៦ តំណាងក្រសួងមុខងារសាធារណៈ បានអញ្ជើញទៅកាន់មន្ទីរពេទ្យគន្ធបុប្ផា ដើម្បីប្រគល់ថវិកាចំនួ​ន ៣០,០០០,០០០រៀន ជូនមូលនិធិគន្ធបុប្ផាកម្ពុជា។ ពិធីប្រគល់ថវិកានេះ បានប្រព្រឹត្តឡើងក្នុងបរិយាកាសសាមគ្គី និងក្តីសប្បាយរីករាយ ដោយមានការចូលរួមពីប្រតិភូក្រសួងមុខងារសាធារណៈ និងតំណាងមូលនិធិ។ ថវិកាដែលបានប្រគល់ មានគោលបំណង ក្នុងការចូលរួមគាំទ្រផ្នែកសុខាភិបាល ពិសេសសំដៅធានាចីរភាពនៃកិច្ចដំណើរការរបស់មន្ទីរពេទ្យគន្ធបុប្ផា។ ក្នុងឱកាសនេះផងដែរ មូលនិធិគន្ធបុប្ផាកម្ពុជា សូមថ្លែងអំណរគុណយ៉ាងជ្រាលជ្រៅដល់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការទ្រទ្រង់មូលនិធិគន្ធបុប្ផាកម្ពុជាប្រចាំក្រសួងមុខងារសាធារណៈ ព្រមទាំងថ្នាក់ដឹកនាំ និងមន្ត្រីរាជការនៃក្រសួងមុខងារសាធារណៈ ដែលបានចូលរួមបរិច្ចាគថវិកា ជូនដល់មូលនិធិគន្ធបុប្ផាកម្ពុជា ដែលមាន សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាស្ថាបនិក និងមានសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជាប្រធានកិត្តិយស។