以色列总理反对美向土耳其售战机 担忧中东军事平衡

នាយករដ្ឋមន្រ្តីអ៊ីស្រាអែលប្រឆាំងនឹងលោកត្រាំដែលចង់លក់យន្តហោះចម្បាំងរបស់អាមេរិកឱ្យតួកគី ============ នាយករដ្ឋមន្រ្តីអ៊ីស្រាអែល លោកបេនចាមីន នេតាន់​យ៉ាហ៊ូបាន​និយាយថា ការលក់យន្តហោះចម្បាំងF-35​ដ៏ទំនើបបំផុតរបស់អាមេរិក មិនធ្វើឱ្យតួកគីក្លាយជារដ្ឋ​មិត្តភាព ចំពោះអាមេរិកនោះទេ។ នៅក្នុងកិច្ចសម្ភាសន៍​ផ្តាច់​មុខ ជាមួយសារព័ត៌មានCNN លោកនេតាន់យ៉ាហ៊ូ​បានពណ៌នាតួកគីថា ជារបបមួយដែលឆ្លងមេរោគស្អប់​សហរដ្ឋអាមេរិក។ លោកនេតាន់យ៉ាហ៊ូបាននិយាយចំៗថា តួកគីគំរាមបំផ្លាញប្រទេសរបស់លោកចោល ដែលជារដ្ឋ​Jewishតែមួយគត់។ លោកថា នេះមិនមែនជាកម្លាំង​សម្រាប់សន្តិភាព និងស្ថិរភាពទេ តែនៅពេលដែលផ្តល់​អំណាចផ្នែកទ័ពអាកាសដល់ពួកគេ នោះនឹងឃើញការ​ឈ្លាន​ពានរបស់ពួកគេនៅពេលក្រោយ។ នាយករដ្ឋមន្រ្តីអ៊ីស្រាអែលរូបនេះ បានជំរុញដោយ​ផ្ទាល់​ទៅលោកដូណាល់ ត្រាំប្រធានាធិបតីអាមេរិកថា កុំលក់​យន្ត​ហោះចម្បាំងឱ្យតួកគី ដោយនិយាយនៅថ្ងៃអង្គារថា ការធ្វើដូច្នេះនឹងបំផ្លាញតុល្យភាពអំណាចនៅតំបន់មជ្ឈិមបូព៌ា។ ម្យ៉ាងទៀត ការផ្លាស់ប្តូរនេះនឹងរំលោភលើការ​ប្តេជ្ញាចិត្តរបស់សហរដ្ឋអាមេរិក ក្នុងការរក្សាឧត្តមភាព​យោធារបស់អ៊ីស្រាអែល។ ============ [🌐អានព័ត៌មាន ](https://vayofm.com/news/detail/144537-132.html) [**👉Facebook**](https://www.facebook.com/vayofm)** **[**👉Telegram**](https://t.me/vayofm)** **[** 👉TikTok 👉**](https://www.tiktok.com/@vayofmradio?_t=8qP0w6MsZfe&_r=1)[**YouTube **](https://www.youtube.com/@vayofm105)**👉**[**IOS 👉**](https://apps.apple.com/us/app/vayo-fm-radio/id993070474)[**Android**](https://play.google.com/store/apps/details?id=com.vayofm.bunsorng.vayoapp)