柬埔寨骑行者提夫·达拉里回国 募捐目标尚缺3万美元

លោក ទីវ តារារិទ្ធិ អ្នកជិះកង់ដើម្បីកុមារកម្ពុជា បានធ្វើមាតុភូមិនិវត្តន៍ បន្ទាប់ពីជិះកង់អស់ជាង ៦ម៉ឺនគីឡូម៉ែត្រ ឆ្លងកាត់ ៤០ប្រទេស លោក ទីវ តារារិទ្ធិ អ្នកជិះកង់ផ្សងព្រេងដើម្បីកុមារកម្ពុជា បានត្រឡប់មកមាតុប្រទេសវិញ នាថ្ងៃទី២២ មិថុនា។ លោក ទីវ តារារិទ្ធិ ចាប់ផ្ដើមបេសកកម្មជិះកង់ឆ្លងទ្វីប ដើម្បីកុមារកម្ពុជានេះ កាលពីថ្ងៃទី៦ មិថុនា ឆ្នាំ២០២៤ ដោយបានចេញដំណើរពីមន្ទីរពេទ្យកុមារអង្គរ ហើយឆ្លងកាត់ប្រទេសនៅទ្វីបអាស៊ី ទ្វីបអឺរ៉ុប និងទ្វីបអាហ្រ្វិកខាងត្បូង សរុប៤០ប្រទេស លើចម្ងាយផ្លូវជាង ៦ម៉ឺនគីឡូម៉ែត្រ។ អ្នកជិះកង់វ័យ ៣៦ឆ្នាំរូបនេះ មិនទាន់សម្រេចគោលដៅក្នុងការរៃថវិកាជួយដល់មន្ទីរពេទ្យកុមារអង្គរ និងមន្ទីរពេទ្យគន្ធបុប្ផាឡើយ។ លោក ទីវ តារារិទ្ធិ បញ្ជាក់ថា ដំណើររៃអង្គាសថវិកានេះ គឺនៅខ្វះ ៣ម៉ឺនដុល្លារទៀត ទើបគ្រប់២៥ម៉ឺនដុល្លារ ដែលជាគោលដៅនៃបេសកកម្មនេះ។ យ៉ាងណាមិញ លោក ទីវ តារារិទ្ធិ នឹងបន្តជិះកង់ពីភ្នំពេញទៅខេត្តសៀមរាប ដើម្បីរៃថវិកាបង្គ្រប់ ២៥ម៉ឺនដុល្លារ៕ ដោយ៖ គឹម មករា រូបភាព៖ ឡាយ ឡុង #thmeythmey #thmeythmeysport