柬埔寨遣返329名涉诈中国籍人员 严打非法居留

កម្ពុជា​បណ្ដេញ​ជនជាតិ​ចិន ៣២៩​នាក់ ពាក់ព័ន្ធ​ប្រតិបត្តិការ​ឆបោក​អនឡាញ អាជ្ញាធរ​កម្ពុជា​បាន​បណ្ដេញ​ជនជាតិ​ចិន​ចំនួន ៣២៩​នាក់ ត្រឡប់​ទៅ​ប្រទេស​កំណើត​វិញ ដោយសារ​ពួកគេ​ត្រូវ​បាន​សង្ស័យ​ថា​ពាក់ព័ន្ធ​នឹង​ប្រតិបត្តិការ​ឆបោក​តាម​ប្រព័ន្ធ​អនឡាញ ព្រមទាំង​បញ្ហា​ស្នាក់នៅ និង​ធ្វើការ​នៅ​កម្ពុជា​ដោយ​ខុសច្បាប់។ ក្នុងចំណោម​អ្នក​ដែល​ត្រូវ​បណ្ដេញ​ចេញ មាន​ស្ត្រី​ចំនួន ១០​នាក់។ ជាមួយគ្នា​នេះ កម្ពុជា​កំពុង​បន្ត​បង្កើន​ប្រតិបត្តិការ​បង្ក្រាប​បណ្តាញ​ឆបោក​តាម​អនឡាញ និង​បណ្ដេញ​ជនបរទេស​ដែល​ត្រូវ​បាន​រកឃើញ​ថា​ពាក់ព័ន្ធ​នឹង​សកម្មភាព​ខុសច្បាប់។ តាម​របាយការណ៍​ថ្មីៗ អាជ្ញាធរ​កម្ពុជា​បាន​ចុះ​ប្រតិបត្តិការ​នៅ​ទីតាំង​រាប់រយ​កន្លែង​ដែល​សង្ស័យ​ថា​ជាប់​ពាក់ព័ន្ធ​នឹង​ការ​ឆបោក​តាម​អនឡាញ។ ទន្ទឹមនឹងនេះ ជនបរទេស​មួយ​ចំនួន​ដែល​ស្ថិត​នៅ​ក្នុង​ប្រទេស​កម្ពុជា ក៏​បាន​អំពាវនាវ​ឱ្យ​រដ្ឋាភិបាល​របស់​ខ្លួន​ពន្លឿន​នីតិវិធី​បញ្ជូន​ពួកគេ​ត្រឡប់​ទៅ​ប្រទេស​កំណើត​វិញ ដោយ​លើកឡើង​ពី​ការ​ខ្វះខាត​អាហារ ថ្នាំសង្កូវ និង​កិច្ច​គាំពារ​ផ្នែក​មនុស្សធម៌។