柬埔寨长柄琴艺术家派蓬拉因病逝世 享年67岁

សិល្បករចាប៉ីដងវែង ផៃ ផុងរ៉ាក់ ម្ចាស់បទ «យក្សកើតអេដស៍» ទទួលអនិច្ចកម្មដោយរោគាពាធ តាមសមាគមសិល្បករខ្មែរ បានឲ្យដឹងថា តារាចម្រៀងជើងចាស់លោក ផៃ ផុងរ៉ាក់ បានមរណភាពនៅម៉ោង៨ និង៣០នាទីព្រឹកថ្ងៃទី៥ ខែឧសភា ឆ្នាំ២០២៦ ដោយរោគាពាធ ក្នុងជន្មាយុ៦៧ឆ្នាំ ដែលដំណឹងនេះគឺជាការបាត់បង់ធនធានសិល្បៈដ៏មានតម្លៃមួយរូបសម្រាប់វិស័យតន្ត្រីខ្មែរ ជាពិសេសសិល្បករចាប៉ីដងវែង។ ជីវិត និងស្នាដៃរបស់លោក មិនត្រឹមតែប្រកបដោយទេពកោសល្យប៉ុណ្ណោះទេ ប៉ុន្តែថែមទាំងជាការលះបង់ពេលវេលា កម្លាំងកាយចិត្ត និងបេះដូង ដើម្បីបម្រើសិល្បៈជាតិ។ សំឡេង និងបទចម្រៀងរបស់លោក បានចាក់បញ្ចូលអារម្មណ៍ជ្រាលជ្រៅទៅក្នុងបេះដូងអ្នកស្តាប់ជាច្រើនជំនាន់ ហើយនៅតែបន្តរស់នៅក្នុងអនុស្សាវរីយ៍ដ៏មានន័យ។ នាពេលនេះ ត្បិតថារូបលោកបានឃ្លាតទៅសែនឆ្ងាយពីកូនខ្មែរក៏ដោយ ប៉ុន្តែស្នាដៃ និងគុណបំណាច់ដែលលោកបានបន្សល់ទុក នឹងនៅតែបំភ្លឺផ្លូវសម្រាប់ជំនាន់ក្រោយ និងជាអនុស្សាវរីយ៍មិនអាចរលុបចេញពីក្នុងវិស័យសិល្បៈខ្មែរ៕