磅通省省长努帕拉会见青年代表 强调三波坡雷古文化价值

ឯកឧត្តម នួន ផារ័ត្ន អភិបាលនៃគណៈអភិបាលខេត្តកំពង់ធំ បានអនុញ្ញាតឱ្យសមាជិកសមាជិកាក្លឹប”មនសិការពលរដ្ឋល្អ” ខេត្តកំពង់ធំ បានចូលជួបសំណេះសំណាល និងទទួលអនុសាសន៍ណែនាំ នៅសាលប្រជុំសាលាខេត្តកំពង់ធំ នាព្រឹកថ្ងៃទី៣០ ខែមេសា ឆ្នាំ២០២៦ ឯកឧត្តម នួន ផារ័ត្ន អភិបាលនៃគណៈអភិបាលខេត្តកំពង់ធំ បានអនុញ្ញាតឱ្យក្រុមការងារកម្មវិធី”មនសិការពលរដ្ឋល្អ” ថ្នាក់ខេត្តដឹកនាំប្អូនៗសមាជិកសមាជិកាក្លឹបមកពីបណ្តាវិទ្យាល័យគោលដៅបានចូលរួមសំណេះសំណាល និងទទួលអនុសាសន៍ណែនាំ។ មានវត្តមានចូលរួមនាឱកាសនេះក៏មានការអញ្ជើញចូលរួមពីសំណាក់លោកជំទាវ ស្រូយ សុជាតិ ប្រធានប្រតិបត្តិ លោកជំទាវ ទេព កូលាប ប្រធានក្រុមការងារ និងសមាជិកក្រុមការងារថ្នាក់ជាតិ ព្រមទាំងថ្នាក់ដឹកនាំមន្ទីរជុំវិញខេត្តផងដែរ។ ថ្លែងក្នុងពិធីសំណេះសំណាលនាឱកាសនេះ ឯកឧត្តមអភិបាលបានថ្លែងនូវចំណាប់អារម្មណ៍ទៅលើប្រធានបទ «ការផ្តល់តម្លៃរមណីយដ្ឋានវប្បធម៌ប្រវត្តិសាស្រ្តសំបូរព្រៃគុក» សំដៅក្រើនរំលឹកដល់យុវជនយុវនារីបន្តវេនអំពីប្រវត្តិការ ភាពយូរលង់ ភាពរុងរឿង ការធ្លាក់ចុះរបស់ដំណើរជាតិកម្ពុជា។ សេចក្តីស្នេហាជាតិពិតប្រាកដផ្តើមចេញពីការយល់ និងស្គាល់ច្បាស់អំពីវប្បធម៌ទាំងរូបី និងអរូបី អរិយធម៌ សិល្បៈ ព្រមទាំងបូរណភាពទឹកដីរបស់ជាតិខ្លួន។ សេចក្តីឈឺចាប់ដែលកើតចេញពីការឈ្លានពាន គប្បីចាត់ទុកជាមេរៀន បណ្តុះនូវសេចក្តីឈឺចាប់ ចាប់ផ្តើមគិតគូរពីឧត្តមប្រយោជន៍ជាតិជារួម និងយល់ច្បាស់អំពីតួនាទីរបស់ខ្លួនក្នុងការកសារជាតិ ដែលត្រូវចាប់ផ្តើមចេញពីការខិតខំប្រឹងប្រែងរៀនសូត្ររបស់យុវសិស្ស និងការបំពេញភារៈប្រកបដោយទំនួលខុសត្រូវខ្ពស់របស់មន្រ្តី។ **👉🏽តំណភ្ជាប់ទៅកាន់បណ្តាញសង្គមរបស់ ស.ស.យ.ក. **🌐 [**uyfc.org**](https://www.uyfc.org/)** **📱 [**Facebook**](https://www.facebook.com/uyfccambodia)** **📱 [**YouTube**](https://www.youtube.com/@unionofyouthfederationcambodia)** **📱 [**Telegram**](https://t.me/uyfc_news)** **📱** **[**TikTok**](https://www.tiktok.com/@uyfccambodia?_t=8fUJ9WcjHX8)