柬埔寨国会召开气候治理会议 呼吁加强农业水利防灾

[来源: 柬埔寨国家电视台] [分类提示: NEWS] 标题: ឯកឧត្តមកិត្តិសេដ្ឋាបណ្ឌិត ជាម យៀប ជំរុញឱ្យមានវិធានការបន្ទាន់ ការពារ ពីការគំរាមកំហែងនៃវិបត្តិអាកាសធាតុ គ្រាដែលវិបត្តិនេះគ្មានប្រទេសណាមួយអាចយកឈ្នះក្នុងសមរភូមិនេះតែម្នាក់ឯងបានឡើយ នៅវិមានរដ្ឋសភា ឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី១ នៃរដ្ឋសភា តំណាងដ៏ខ្ពង់ខ្ពស់សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា នាព្រឹកថ្ងៃទី២៦ ខែឧសភា ឆ្នាំ២០២៦ បានអញ្ជើញជាអធិបតីក្នុងពិធីបើក «សន្និសីទសភាជាតិ ស្តីពីអភិបាលកិច្ចអាកាសធាតុ» ដោយមានការចូលរួមពីគណៈប្រតិភូជាន់ខ្ពស់នៃអន្តរសភាអាស៊ាន (AIPA) និងអ្នកជំនាញការអន្តរជាតិជាច្រើនរូប បានជំរុញឱ្យមានវិធានការបន្ទាន់ ការពារ ពីការគំរាមកំហែងនៃវិបត្តិអាកាសធាតុ គ្រាដែលវិបត្តិនេះគ្មានប្រទេសណាមួយអាចយកឈ្នះក្នុងសមរភូមិនេះតែម្នាក់ឯងបានឡើយ។ បើតាម ឯកឧត្តមកិត្តិសេដ្ឋាបណ្ឌិត វិស័យកសិកម្ម ធនធានទឹក និងហេដ្ឋារចនាសម្ព័ន្ធ ដែលជាសសរទ្រូងសេដ្ឋកិច្ចជាតិដ៏សំខាន់របស់កម្ពុជា កំពុងរងការគំរាមកំហែងយ៉ាងធ្ងន់ធ្ងរពីវិបត្តិនៃការប្រែប្រួលអាកាសធាតុ ដែលទាមទារឱ្យមានការដាក់ចេញនូវវិធានការឆ្លើយតបជាបន្ទាន់ និងទាន់ពេលវេលា ដើម្បីការពារចក្ខុវិស័យអភិវឌ្ឍន៍រយៈពេលវែង និងសុខុមាល ភាពរបស់ប្រជាពលរដ្ឋ។ នៅក្នុងសុន្ទរកថាទៅកាន់អង្គសន្និសីទ ឯកឧត្តមកិត្តិសេដ្ឋាបណ្ឌិត ជាម យៀប បានបង្វែរការយកចិត្តទុកដាក់ខ្ពស់ទៅលើផលប៉ះពាល់ជាក់ស្តែងមកលើរចនាសម្ព័ន្ធសេដ្ឋកិច្ចកម្ពុជា។ ឯកឧត្តមបានកត់សម្គាល់ថា បច្ចុប្បន្នភាពនៃកម្តៅផែនដីដែលកើនឡើងហួសប្រមាណ របបទឹកភ្លៀងធ្លាក់ខុសប្រក្រតី និងគ្រោះរាំងស្ងួតអូសបន្លាយវែង បាននិងកំពុងវាយប្រហារដោយផ្ទាល់លើជីវភាពកសិករ និងស្ថិរភាពសន្តិសុខស្បៀង។ ដោយសារតែកម្ពុជាជាប្រទេសដែលពឹងផ្អែកខ្លាំងលើវិស័យកសិកម្ម ធនធានទឹក និងហេដ្ឋារចនាសម្ព័ន្ធ ឯកឧត្តមអនុប្រធានទី១ រដ្ឋសភា បានដាស់តឿ