洪玛尼委派代表慰问实居省患病教师

ឯកឧត្តម លីណាវុឌ្ឍ ក្រុមការងារវិស័យអប់រំ ខេត្តកំពង់ស្ពឺ តំណាងដ៏ខ្ពង់ខ្ពស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ បានចុះសួរសុខទុក្ខ លោកគ្រូ ជា សុធី បង្រៀននៅសាលាបឋមសិក្សាក្រាំងពោធិ៍ នៅភូមិកណ្ដាល ឃុំមហាសាំង ស្រុកភ្នំស្រួច ខេត្តកំពង់ស្ពឺ មានជំងឺលៀនឌីស បណ្តាលឲ្យគៀបសរសៃធ្វើឲ្យស្វិតជើងទាំងពីរនិងមានដំបៅយ៉ាងធ្ងន់ធ្ងររហូតមកដល់ពេលនេះមិនទាន់មានភាពធូរស្រាលនៅឡើយ បច្ចុប្បន្នគាត់កំពុងសម្រាកព្យាបាលនៅមន្ទីរពេទ្យ ព្រះកុសុមៈ(ពេទ្យលោកសង្ឃ) រាជធានីភ្នំពេញ។ ក្នុងដំណើរចុះសួរសុខទុក្ខនេះ ឯកឧត្តម និងក្រុមការងារក៏បាន ពាំនាំនូវការផ្តាំផ្ញើសួរសុខទុក្ខពីឯកឧត្តមឧបនាយករដ្ឋមន្ត្រី ព្រមទាំងមានកន្រ្កកផ្លែឈេី ថវិកាជូនដល់លោកគ្រូ ដែលកំពុងសម្រាកព្យាបាលនៅមន្ទីរពេទ្យផងដែរ។ ថ្ងៃសៅរ៍ ៩កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី២៥ ខែមេសា ឆ្នាំ២០២៦៕