司法部召开会议讨论扣押车辆登记与所有权转移程序

ឯកឧត្តម ផូវ សំភី ប្រតិភូរាជរដ្ឋាភិបាល និងជាអនុប្រធានប្រចាំការគណៈកម្មការត្រួតពិនិត្យការអនុវត្តការ ចាត់ចែងជាបណ្តោះអាសន្ននូវវត្ថុចាប់យក អញ្ជើញដឹកនាំកិច្ចប្រជុំពិនិត្យ និងពិភាក្សាអំពីបែបបទ និងនីតិវិធី ក្នុងការចុះបញ្ជី និងផ្ទេរកម្មសិទ្ធិយានជំនិះដែលជាកម្មវត្ថុនៃការចាត់ចែងជាបណ្តោះអាសន្ននូវ វត្ថុចាប់យក ជាមួយប្រតិភូតំណាងក្រសួងសាធារណការ និងដឹកជញ្ជូន ======================= នៅទីស្ដីការក្រសួងយុត្តិធម៌៖ នារសៀលថ្ងៃអង្គារ ៥កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី២១ ខែមេសា ឆ្នាំ២០២៦, ឯកឧត្តម ផូវ សំភី ប្រតិភូរាជរដ្ឋាភិបាល និងជាអនុប្រធានប្រចាំការ គណៈកម្មការត្រួតពិនិត្យការអនុវត្តការចាត់ចែងជាបណ្តោះអាសន្ននូវវត្ថុចាប់យកអញ្ជើញដឹកនាំកិច្ចប្រជុំពិនិត្យ និងពិភាក្សាអំពីបែបបទ និងនីតិវិធីក្នុងការចុះបញ្ជី និងផ្ទេរកម្មសិទ្ធិយានជំនិះដែលជាកម្មវត្ថុនៃការ ចាត់ចែងជាបណ្តោះអាសន្ននូវវត្ថុចាប់យក ជាមួយប្រតិភូតំណាងក្រសួងសាធារណការ និងដឹកជញ្ជូន ដឹកនាំ ដោយ ឯកឧត្តម ប៊ុន សុផាត អនុរដ្ឋលេខាធិការ និងមន្រ្តីជំនាញបច្ចេកទេស ព្រមទាំងមានការចូលរួមពីសំណាក់ ឯកឧត្តម លោក លោកស្រី ដែលជាសមាជិក សមាជិកានៃ គ.ត.ច. និងអង្គភាពអាជ្ញាសាលានៅ សាលាដំបូងរាជធានីភ្នំពេញ។ ស្មារតីរួមនៃកិច្ចប្រជុំបានឯកភាពលើការរៀបចំសេចក្តីណែនាំបំពេញបន្ថែម លើបទដ្ឋានគតិយុត្តដែលមានស្រាប់ ដើម្បីជួយសម្រួលដល់ការចុះបញ្ជី និងផ្ទេរកម្មសិទ្ធិយានជំនិះដែលជាកម្មវត្ថុនៃការចាត់ចែងជាបណ្តោះអាសន្ននូវវត្ថុចាប់យក និងធានាដល់ការអនុវត្តការចាត់ចែងជាបណ្ដោះអាសន្ននូវវត្ថុចាប់យក ប្រកបដោយប្រសិទ្ធភាព និងតម្លាភាព ក្នុងគោលបំណងរក្សាតម្លៃសេដ្ឋកិច្ចនៃវត្ថុចាប់យកទាំងនោះ ព្រមទាំងការពារផលប្រយោជន៍របស់ម្ចាស់នៃវត្ថុចាប់យក ឬរបស់បុគ្គលពាក់ព័ន្ធផ្សេងទៀត និងការពារផលប្រយោជន៍សាធារណៈ៕